শিব উবাচ।
দেবী ত্বং ভক্তসুলভে সর্বকার্যবিধাযিনি।
কলৌ হি কার্যসিদ্ধ্যর্থমুপাযং ব্রূহি যত্নতঃ॥

দেব্যুবাচ ।
শৃণু দেব প্রবক্ষ্যামি কলৌ সর্বেষ্টসাধনম্।
মযা তবৈব স্নেহেনাপ্যংবাস্তুতিঃ প্রকাশ্যতে॥

অস্য শ্রী দুর্গা সপ্তশ্লোকী স্তোত্রমংত্রস্য নারাযণ ঋষিঃ,

অনুষ্টুপ্ ছন্দঃ, শ্রী মহাকালী মহালক্ষ্মী মহাসরস্বত্যো দেবতাঃ,

শ্রী দুর্গা প্রীত্যর্থং সপ্তশ্লোকী দুর্গাপাঠে বিনিযোগঃ।

ওঁ জ্ঞানিনামপি চেতাংসি দেবী ভগবতী হি সা।
বলাদাকৃষ্য মোহায় মহামায় প্রয়চ্ছতি॥ 1 ॥

জনপ্রিয় লিরিক্স:  শিব তাণ্ডব স্তোত্র | শিব তাণ্ডব স্তোত্র উচ্চারণ | শিব তাণ্ডব স্তোত্র বাংলা অনুবাদ

দুর্গে স্মৃতা হরসি ভীতিমশেষজংতোঃ
স্বস্থৈঃ স্মৃতা মতিমতীব শুভাং দদাসি।
দারিদ্র্যদুঃখ ভযহারিণি কা ত্বদন্যা
সর্বোপকারকরণায সদার্দ্র চিত্তা॥ 2 ॥

সর্বমংগলমাংগল্যে শিবে সর্বার্থসাধিকে।
শরণ্যে ত্র্যংবকে গৌরী নারাযণি নমোঽস্তু তে॥ 3 ॥

শরণাগতদীনার্তপরিত্রাণপরাযণে।
সর্বস্যার্তিহরে দেবি নারাযণি নমোঽস্তু তে॥ 4 ॥

সর্বস্বরূপে সর্বেশে সর্বশক্তিসমন্বিতে।
ভযেভ্যস্ত্রাহি নো দেবি দুর্গে দেবি নমোঽস্তু তে॥ 5 ॥

রোগানশেষানপহংসি তুষ্টা-
রুষ্টা তু কামান্ সকলানভীষ্টান্।
ত্বামাশ্রিতানাং ন বিপন্নরাণাং
ত্বামাশ্রিতা হ্যাশ্রযতাং প্রযাংতি॥ 6 ॥

সর্ববাধাপ্রশমনং ত্রৈলোক্যস্যাখিলেশ্বরি।
এবমেব ত্বযা কার্যমস্মদ্বৈরি বিনাশনম্॥ 7 ॥

ইতি শ্রী দুর্গা সপ্তশ্লোকী।