Shri Durga SaptaSloki Lyrics
শ্রীদুর্গাসপ্তশ্লোকী
Shri Durga SaptaSloki Lyrics
|| শ্রীদুর্গাসপ্তশ্লোকী ||
| অথ সপ্তশ্লোকী দুর্গা |
শিব উবাচ
দেবি ৎবং ভক্তসুলভে সর্বকার্যবিধায়িনী |
কলৌ হি কার্যসিদ্ধ্যর্থমুপায়ং ব্রূহি যত্নতঃ ||
দেব্যুবাচ
শৃণু দেব প্রবক্ষ্যামি কলৌ সর্বেষ্টসাধনম্ |
ময়া তবৈব স্নেহেনাপ্যম্বাস্তুতিঃ প্রকাশ্যতে ||
ওঁ অস্য শ্রীদুর্গাসপ্তশ্লোকীস্তোত্রমহামন্ত্রস্য নারায়ণ ঋষিঃ |
অনুষ্টুভাদীনি ছন্দাংসি | শ্রীমহাকালীমহালক্ষ্মীমহাসরস্বত্যো দেবতাঃ |
শ্রীদূর্গাপ্রীত্যর্থং সপ্তশ্লোকী দুর্গাপাঠে বিনিয়োগঃ ||
জ্ঞানিনামপি চেতাংসি দেবী ভগবতী হি সা |
বলাদাকৃষ্য মোহায় মহামায়া প্রয়চ্ছতি || ১||
দুর্গে স্মৃতা হরসি ভীতিমশেষজন্তোঃ
স্বস্থৈঃ স্মৃতা মতিমতীব শুভাং দদাসি |
দারিদ্র্যদুঃখভয়হারিণি কা ৎবদন্যা
সর্বোপকারকরণায় সদাঽঽর্দ্রচিত্তা || ২||
সর্বমঙ্গলমাঙ্গল্যে শিবে সর্বার্থসাধিকে |
শরণ্যে ত্র্যম্বকে গৌরি নারায়ণি নমোঽস্তু তে || ৩||
শরণাগতদীনার্তপরিত্রাণপরায়ণে |
সর্বস্যার্তিহরে দেবি নারায়ণি নমোঽস্তু তে || ৪||
সর্বস্বরূপে সর্বেশে সর্বশক্তিসমন্বিতে |
ভয়েভ্যস্ত্রাহি নো দেবি দুর্গে দেবী নমোঽস্তু তে || ৫||
রোগানশেষানপহংসি তুষ্টা রুষ্টা তু কামান্ সকলানভীষ্টান্ |
ৎবামাশ্রিতানাং ন বিপন্নরাণাং ৎবামাশ্রিতা হ্যাশ্রয়তাং প্রয়ান্তি || ৬||
সর্বাবাধাপ্রশমনং ত্রৈলোক্যস্যাখিলেশ্বরি |
এবমেব ৎবয়া কার্যমস্মদ্বৈরি বিনাশনম্ || ৭||
|| ইতি দুর্গাসপ্তশ্লোকী সম্পূর্ণা ||
|| দুর্গা সপ্তশতি ( শক্রাদয় স্তুতি ) ||
|| অথ চতুর্থোঽধ্যায়ঃ ||
ঋষিরুবাচ || ১||
শক্রাদয়ঃ সুরগণা নিহতেঽতিবীর্যে
তস্মিন্দুরাত্মনি সুরারিবলে চ দেব্যা |
তাং তুষ্টুবুঃ প্রণতিনম্রশিরোধরাংসা
বাগ্ভিঃ প্রহর্ষপুলকোদ্গমচারুদেহাঃ || ২||
দেব্যা যয়া ততমিদং জগদাত্মশক্ত্যা
নিশ্শেষদেবগণশক্তিসমূহমূত্যার্ |
তামম্বিকামখিলদেবমহর্ষিপূজ্যাং
ভক্ত্যা নতাঃ স্ম বিদধাতু শুভানি সা নঃ || ৩||
যস্যাঃ প্রভাবমতুলং ভগবাননন্তো
ব্রহ্মা হরশ্চ ন হি বক্তুমলং বলং চ |
সা চণ্ডিকাখিলজগৎপরিপালনায়
নাশায় চাশুভভয়স্য মতিং করোতু || ৪||
যা শ্রীঃ স্বয়ং সুকৃতিনাং ভবনেষ্বলক্ষ্মীঃ
পাপাত্মনাং কৃতধিয়াং হৃদয়েষু বুদ্ধিঃ |
শ্রদ্ধা সতাং কুলজনপ্রভবস্য লজ্জা
তাং ৎবাং নতাঃ স্ম পরিপালয় দেবি বিশ্বম্ || ৫||
কিং বর্ণয়াম তব রূপমচিন্ত্যমেতৎ
কিং চাতিবীর্যমসুরক্ষয়কারি ভূরি |
কিং চাহবেষু চরিতানি তবাদ্ভুতানি
সর্বেষু দেব্যসুরদেবগণাদিকেষু || ৬||
হেতুঃ সমস্তজগতাং ত্রিগুণাপি দোষৈ-
র্ন জ্ঞায়সে হরিহরাদিভিরপ্যপারা |
সর্বাশ্রয়াখিলমিদং জগদংশভূত-
মব্যাকৃতা হি পরমা প্রকৃতিস্ত্বমাদ্যা || ৭||
যস্যাঃ সমস্তসুরতা সমুদীরণেন
তৃপ্তিং প্রয়াতি সকলেষু মখেষু দেবি |
স্বাহাসি বৈ পিতৃগণস্য চ তৃপ্তিহেতু-
রুচ্চার্যসে ৎবমত এব জনৈঃ স্বধা চ || ৮||
যা মুক্তিহেতুরবিচন্ত্যমহাব্রতা ৎবং
অভ্যস্যসে সুনিয়তেন্দ্রিয়তত্ত্বসারৈঃ |
মোক্ষার্থিভির্মুনিভিরস্তসমস্তদোষৈ-
র্বিদ্যাসি সা ভগবতী পরমা হি দেবি || ৯||
শব্দাত্মিকা সুবিমলগ্যর্জুষাং নিধান-
মুদ্গীথরম্যপদপাঠবতাং চ সাম্নাম্ |
দেবী ত্রয়ী ভগবতী ভবভাবনায়
বাত্তার্ চ সর্বজগতাং পরমাত্তির্ হন্ত্রী || ১০||
মেধাসি দেবি বিদিতাখিলশাস্ত্রসারা
দুর্গাসি দুর্গভবসাগরনৌরসঙ্গা |
শ্রীঃ কৈটভারিহৃদয়ৈককৃতাধিবাসা
গৌরী ৎবমেব শশিমৌলিকৃতপ্রতিষ্ঠা || ১১||
ঈষৎসহাসমমলং পরিপূর্ণচন্দ্র-
বিম্বানুকারি কনকোত্তমকান্তিকান্তম্ |
অত্যদ্ভুতং প্রহৃতমাত্তরুষা তথাপি
বক্ত্রং বিলোক্য সহসা মহিষাসুরেণ || ১২||
দৃষ্ট্বা তু দেবি কুপিতং ভ্রুকুটীকরাল-
মুদ্যচ্ছশাঙ্কসদৃশচ্ছবি যন্ন সদ্যঃ |
প্রাণান্মুমোচ মহিষস্তদতীব চিত্রং
কৈর্জীব্যতে হি কুপিতান্তকদর্শনেন || ১৩||
দেবি প্রসীদ পরমা ভবতী ভবায়
সদ্যো বিনাশয়সি কোপবতী কুলানি |
বিজ্ঞাতমেতদধুনৈব যদস্তমেত-
ন্নীতং বলং সুবিপুলং মহিষাসুরস্য || ১৪||
তে সম্মতা জনপদেষু ধনানি তেষাং
তেষাং যশাংসি ন চ সীদতি ধর্মবর্গঃ |
ধন্যাস্ত এব নিভৃতাত্মজভৃত্যদারা
যেষাং সদাভ্যুদয়দা ভবতী প্রসন্না || ১৫||
ধম্যার্ণি দেবি সকলানি সদৈব কর্মা-
ণ্যত্যাদৃতঃ প্রতিদিনং সুকৃতী করোতি |
স্বর্গং প্রয়াতি চ ততো ভবতীপ্রসাদা-
ল্লোকত্রয়েঽপি ফলদা ননু দেবি তেন || ১৬||
দুর্গে স্মৃতা হরসি ভীতিমশেষজন্তোঃ
স্বস্থৈঃ স্মৃতা মতিমতীব শুভাং দদাসি |
দারিদ্র্যদুঃখভয়হারিণি কা ৎবদন্যা
সর্বোপকারকরণায় সদাঽঽদ্রর্চিত্তা || ১৭||
এভির্হতৈর্জগদুপৈতি সুখং তথৈতে
কুর্বন্তু নাম নরকায় চিরায় পাপম্ |
সংগ্রামমৃত্যুমধিগম্য দিবং প্রয়ান্তু
মৎবেতি নূনমহিতান্বিনিহংসি দেবি || ১৮||
দৃষ্ট্বৈব কিং ন ভবতী প্রকরোতি ভস্ম
সর্বাসুরানরিষু যৎপ্রহিণোষি শস্ত্রম্ |
লোকান্প্রয়ান্তু রিপবোঽপি হি শস্ত্রপূতা
ইত্থং মতির্ভবতি তেষ্বপি তেঽতিসাধ্বী || ১৯||
খড্গপ্রভানিকরবিস্ফুরণৈস্তথোগ্রৈঃ
শূলাগ্রকান্তিনিবহেন দৃশোঽসুরাণাম্ |
যন্নাগতা বিলয়মংশুমদিন্দুখণ্ড-
যোগ্যাননং তব বিলোকয়তাং তদেতৎ || ২০||
দুর্বৃত্তবৃত্তশমন্ং তব দেবি শীলং
রূপং তথৈতদবিচিন্ত্যমতুল্যমন্যৈঃ |
বীর্যং চ হন্ত্রি হৃতদেবপরাক্রমাণাং
বৈরিষ্বপি প্রকটিতৈব দয়া ৎবয়েত্থম্ || ২১||
কেনোপমা ভবতু তেঽস্য পরাক্রমস্য
রূপং চ শত্রুভয়কার্যতিহারি কুত্র |
চিত্তে কৃপা সমরনিষ্ঠুরতা চ দৃষ্টা
ৎবয়্যেব দেবি বরদে ভুবনত্রয়েঽপি || ২২||
ত্রৈলোক্যমেতদখিলং রিপুনাশনেন
ত্রাতং ৎবয়া সমরমূর্ধনি তেঽপি হৎবা |
নীতা দিবং রিপুগণা ভয়মপ্যপাস্ত-
মস্মাকমুন্মদসুরারিভবং নমস্তে || ২৩||
শূলেন পাহি নো দেবি পাহি খড্গেন চাম্বিকে |
ঘণ্টাস্বনেন নঃ পাহি চাপজ্যানিঃস্বনেন চ || ২৪||
প্রাচ্যাং রক্ষ প্রতীচ্যাং চ চণ্ডিকে রক্ষ দক্ষিণে |
ভ্রামণেনাত্মশূলস্য উত্তরস্যাং তথেশ্বরি || ২৫||
সৌম্যানি যানি রূপাণি ত্রৈলোক্যে বিচরন্তি তে |
যানি চাত্যর্থঘোরাণি তৈ রক্ষাস্মাংস্তথা ভুবম্ || ২৬||
খড্গশূলগদাদীনি যানি চাস্ত্রানি তেঽম্বিকে |
করপল্লবসঙ্গীনি তৈরস্মান্রক্ষ সর্বতঃ || ২৭||
ঋষিরুবাচ || ২৮||
এবং স্তুতা সুরৈর্দিব্যৈঃ কুসুমৈর্নন্দনোদ্ভবৈঃ |
অর্চিতা জগতাং ধাত্রী তথা গন্ধানুলেপনৈঃ || ২৯||
ভক্ত্যা সমস্তৈস্ত্রিদশৈর্দিব্যৈর্ধূপৈস্তু ধূপিতা |
প্রাহ প্রসাদসুমুখী সমস্তান্ প্রণতান্ সুরান্ || ৩০||
দেব্যুবাচ || ৩১||
ব্রিয়তাং ত্রিদশাঃ সর্বে যদস্মত্তোঽভিবাঞ্ছতম্ || ৩২||
দেবা উচুঃ || ৩৩||
ভগবত্যা কৃতং সর্বং ন কিংচিদবশিষ্যতে |
যদয়ং নিহতঃ শত্রুরস্মাকং মহিষাসুরঃ || ৩৪||
যদি চাপি বরো দেয়স্ত্বয়াঽস্মাকং মহেশ্বরি |
সংস্মৃতা সংস্মৃতা ৎবং নো হিংসেথাঃ পরমাপদঃ || ৩৫||
যশ্চ মত্যর্ঃ স্তবৈরেভিস্ত্বাং স্তোষ্যত্যমলাননে || ৩৬||
তস্য বিত্তদ্ধির্বিভবৈর্ধনদারাদিসম্পদাম্ |
বৃদ্ধয়েঽস্মৎপ্রসন্না ৎবং ভবেথাঃ সর্বদাম্বিকে || ৩৭||
ঋষিরুবাচ || ৩৮||
ইতি প্রসাদিতা দেবৈর্জগতোঽর্থে তথাঽত্মনঃ |
তথেত্যুক্ত্বা ভদ্রকালী বভূবান্তর্হিতা নৃপ || ৩৯||
ইত্যেতৎকথিতং ভূপ সম্ভূতা সা যথা পুরা |
দেবী দেবশরীরেভ্যো জগত্ত্রয়হিতৈষিণী || ৪০||
পুনশ্চ গৌরীদেহাৎসা সমুদ্ভূতা যথাভবৎ |
বধায় দুষ্টদৈত্যানাং তথা শুম্ভনিশুম্ভয়োঃ || ৪১||
রক্ষণায় চ লোকানাং দেবানামুপকারিণী |
তচ্ছৃণুষ্ব ময়াঽঽখ্যাতং যথাবৎকথয়ামি তে || ৪২||
ইতি শ্রী মার্কণ্ডেয়পুরাণে সাবর্ণিকে মন্বন্তরে দেবীমাহাত্ম্যে
শক্রাদিস্তুতির্নাম চতুর্থোঽধ্যায়ঃ || ৪||