Durga Stobom Mahabharata Antargatam
দুর্গাস্তবম্ মহাভরতান্তর্গতম্
Durga Stobom Mahabharata Antargatam
|| দুর্গাস্তবম্ মহাভরতান্তর্গতম্ ||
নমস্তে সিদ্ধসেনানি আর্যে মন্দরবাসিনি |
কুমারি কালি কাপালি কপিলে কৃষ্ণ-পিংগলে || ১||
ভদ্রকালি নমস্তুভ্যম্ মহাকালি নমোস্তুতে |
চংডিচংডে নমস্তুভ্যম্ তারিণি বরবর্ণিনি || ২||
কাত্যায়নি মহাভাগে করালি বিজয়ে জয়ে |
শিখিপিচ্ছ-ধ্বজ-ধরে নানা-ভরণ-ভূষিতে || ৩||
অট্টশূল-প্রহরণে খড্গখেটধারিণি |
গোপেন্দ্রস্যানুজে জ্যেষ্টে নন্দগোপ-কুলোদ্ভবে || ৪||
মহিষাসৃক্প্রিয়ে নিত্যং কৌশিকি পীতবাসিনি |
অট্টহাসে কোকমুখে নমস্তেঽস্তু রণপ্রিয়ে || ৫||
উমে শাকম্বরী শ্বেতে কৃষ্ণে কৈটভনাশিনি |
হিরণ্যাক্ষি বিরূপাক্ষি সুধূম্রাক্ষি নমোঽস্তু তে || ৬||
বেদশ্রুতি মহাপুণ্যে ব্রহ্মণ্যে জাতবেদসি |
জম্বূকটকচৈত্যেষু নিত্যম্ সন্নিহিতালয়ে || ৭||
ৎবং ব্রহ্ম-বিদ্যা-বিদ্যানাং মহানিদ্রা চ দেহিনাম্ |
স্কন্দমাতর্ভগবতি দুর্গে কান্তারবাসিনি || ৮||
স্বাহাকারঃ স্বধা চৈব কলা কাষ্ঠা সরস্বতী |
সাবিত্রী বেদমাতা চ তথা বেদান্ত উচ্যতে || ৯||
স্তুতাসি ৎবং মহাদেবি বিশুদ্ধেনান্তরাত্মনা |
জয়ো ভবতু মে নিত্যং ৎবৎপ্রসাদাদ্রণাজিরে || ১০||
কান্তারভয়দুর্গেষু ভক্তানাং চালয়েষু চ |
নিত্যং বসসি পাতালে যুদ্ধে জয়সি দানবান্ || ১১||
ৎবং জম্ভনী মোহিনী চ মায়া হ্রীঃ শ্রীস্তথৈব চ |
সংধ্যা প্রভাবতী চৈব সাবিত্রী জননী তথা || ১২||
তুষ্টিঃ পুষ্টির্ধৃতির্দীপ্তিশ্চন্দ্রাদিত্য-বিবর্ধিনী |
ভূতির্ভূতিমতাং সংখ্যে বীক্ষ্যসে সিদ্ধচারণৈঃ || ১৩||