Devi Mahatmya Stotram Lyrics
দেবীমাহাত্ম্যস্তোত্রম্
Devi Mahatmya Stotram Lyrics
|| দেবীমাহাত্ম্যস্তোত্রম্ ||
লক্ষ্মীশে যোগনিদ্রাং প্রভজতি ভুজগাধীশতল্পে সদর্পৌ
উৎপন্নৌ দানবৌ তচ্ছ্রবণমলময়াঙ্গৌ মধুং কৈটভং চ |
দৃষ্ট্বা ভীতস্য ধাতুঃ স্তুতিভিরভিনুতাং আশু তৌ নাশয়ন্তীং
দুর্গাং দেবীং প্রপদ্যে শরণমহমশেষাপদুন্মূলনায় || ১||
যুদ্ধে নির্জিত্য দৈত্যস্ত্রিভুবনমখিলং যস্তদীয়েষু ধিষ্ণ্যে-
ষ্বাস্থায় স্বান্ বিধেয়ান্ স্বয়মগমদসৌ শক্রতাং বিক্রমেণ |
তং সামাত্যাপ্তমিত্রং মহিষমপি নিহত্যাস্য মূর্ধাধিরূঢাং দুর্গাং || ২||
বিশ্বোৎপত্তি-প্রণাশ-স্থিতি-বিহৃতি-পরে দেবি ঘোরামরারি-
ত্রাসাৎ ত্রাতং কুলং নঃ পুনরপি চ মহাসঙ্কটেষ্বীদৃশেষু|
আবির্ভূয়াঃ পুরস্তাদিতি চরণ-নমৎ-সর্ব-গীর্বাণ-বর্গাং দুর্গাং || ৩||
হন্তুং শুম্ভং নিশুম্ভং ত্রিদশ-গণ-নুতাং হেমডোলাং হিমাদ্রৌ
আরূঢাং ব্যূঢদর্পান্ যুধি নিহতবতীং ধূম্রদৃক্-চণ্ড-মুণ্ডান্ |
চামুণ্ডাখ্যাং দধানাং উপশমিত-মহা-রক্তবীজোপসর্গাং দুর্গাং || ৪||
ব্রহ্মেশ-স্কন্দ-নারায়ণ-কিটি-নরসিংহেন্দ্র-শক্তীঃ স্বভৃত্যাঃ
কৃৎবা হৎবা নিশুম্ভং জিত-বিবুধ-গণং ত্রাসিতাশেষলোকম্ |
একীভূয়াথ শুম্ভং রণশিরসি নিহত্যাস্থিতাং আত্তখড্গাং দুর্গাং || ৫||
উৎপন্না নন্দজেতি স্বয়মবনিতলে শুম্ভমন্যং নিশুম্ভং
ভ্রামর্যাখ্যারুণাখ্যং পুনরপি জননী দুর্গমাখ্যং নিহন্তুম্ |
ভীমা শাকম্ভরীতি ত্রুটিত-রিপুভটাং রক্তদন্তেতি জাতাং দুর্গাং || ৬||
ত্রৈগুণ্যানাং গুণানাং অনুসরণ-কলা-কেলি-নানাবতারৈঃ
ত্রৈলোক্য-ত্রাণ-শীলাং দনুজ-কুল-বনী-বহ্নি-লীলাং সলীলাম্ |
দেবীং সচ্চিন্ময়ীং তাং বিতরিত-বিনমৎ-সত্রিবর্গাপবর্গাং দুর্গাং || ৭||
সিংহারূঢাং ত্রিনেত্রাং করতল-বিলসচ্ছঙ্খ-চক্রাসি-রম্যাং
ভক্তাভীষ্টপ্রদাত্রীং রিপুমথনকরীং সর্বলোকৈকবন্দ্যাম্ |
সর্বালঙ্কারয়ুক্তাং শশিয়ুতমকুটাং শ্যামলাঙ্গীং কৃশাঙ্গীং দুর্গাং || ৮||
ত্রায়স্ব স্বামিনীতি ত্রিভুবনজননি প্রার্থনা ৎবয়্যপার্থা
পাল্যন্তেঽভ্যর্থনায়াং ভগবতি শিশবঃ কিন্ত্বনন্যা জনন্যাঃ |
তত্তুভ্যং স্যান্নমস্যেত্যবনত-বিবুধাহ্লাদি-বীক্ষা-বিসর্গাং দুর্গাং || ৯||
এতং সন্তঃ পঠন্তু স্তবমখিল-বিপজ্জালতূলানলাভং
হৃন্মোহধ্বান্ত-ভানু-প্রথিতমখিল-সঙ্কল্প-কল্পদ্রু-কল্পম্ |
দৌর্গং দৌর্গত্য-ঘোরাতপ-তুহিনকর-প্রখ্যমংহো-গজেন্দ্র-
শ্রেণী-পঞ্চাস্য-দেশ্যং বিপুলভয়দ-কালাহি-তার্ক্ষ্য-প্রভাবম্ || ১০||
দুর্গাং দেবীং শরণমহম্ প্রপদ্যে ||