Durga Pancharatnam
দুর্গা পঞ্চরত্নম্
Durga Pancharatnam
দুর্গা পঞ্চরত্নম্
|| ওঁ তৎসৎ||
|| দুর্গা পঞ্চরত্নম্ ||
তে ধ্যানয়োগানুগতা অপশ্যন্
ৎবামেব দেবীং স্বগুণৈর্নিগূঢাম্ |
ৎবমেব শক্তিঃ পরমেশ্বরস্য
মাং পাহি সর্বেশ্বরি মোক্ষদাত্রি || ১||
দেবাত্মশক্তিঃ শ্রুতিবাক্যগীতা
মহর্ষিলোকস্য পুরঃ প্রসন্না |
গুহা পরং ব্যোম সতঃ প্রতিষ্ঠা
মাং পাহি সর্বেশ্বরি মোক্ষদাত্রি || ২||
পরাস্য শক্তিঃ বিবিধৈব শ্রূয়সে
শ্বেতাশ্ববাক্যোদিতদেবি দুর্গে |
স্বাভাবিকী জ্ঞানবলক্রিয়া তে
মাং পাহি সর্বেশ্বরি মোক্ষদাত্রি || ৩||
দেবাত্মশব্দেন শিবাত্মভূতা
যৎকূর্মবায়ব্যবচোবিবৃত্যা
ৎবং পাশবিচ্ছেদকরী প্রসিদ্ধা
মাং পাহি সর্বেশ্বরি মোক্ষদাত্রি || ৪||
ৎবং ব্রহ্মপুচ্ছা বিবিধা ময়ূরী
ব্রহ্মপ্রতিষ্ঠাস্যুপদিষ্টগীতা |
জ্ঞানস্বরূপাত্মতয়াখিলানাং
মাং পাহি সর্বেশ্বরি মোক্ষদাত্রি || ৫||
ইতি পরমপূজ্য শ্রী চন্দ্রশেখরেন্দ্র সরস্বতী
স্বামীগল-কৃতং দুর্গা পংচরত্নং সম্পূর্ণম্ ||