Durga Chandrakala Stuti
দুর্গাচন্দ্রকলাস্তুতিঃ
Durga Chandrakala Stuti
দুর্গাচন্দ্রকলাস্তুতিঃ
দুর্গাচন্দ্রকলাস্তুতিঃ ..
বেধোহরীশ্বরস্তুত্যাং বিহর্ত্রীং বিন্ধ্যভূধরে .
হরপ্রাণেশ্বরীং বন্দে হন্ত্রীং বিবুধবিদ্বিষাম্ .. ১ ..
অভ্যর্থনেন সরসীরুহসম্ভবস্য
ত্যক্তবোদিতা ভগবদক্ষিপিধানলীলাম্ .
বিশ্বেশ্বরী বিপদপাগমনে পুরস্তাৎ
মাতা মমাস্তু মধুকৈটভয়োর্নিহন্ত্রী .. ২ ..
প্রাঙ্নির্জরেষু নিহতৈর্নিজশক্তিলেশৈঃ
একোভবদ্ভিরুদিতাখিললোকগুপ্ত্যৈ .
সম্পন্নশস্ত্রনিকরা চ তদায়ুধস্যৈঃ
মাতা মমাস্তু মহিষান্তকরী পুরস্তাৎ .. ৩ ..
প্রালেয়শৈলতনয়া তনুকান্তিসম্পৎ-
কোশোদিতা কুবলয়চ্ছবিচারুদেহা .
নারায়ণী নমদভীপ্সিতকল্পবল্লী
সুপ্রীতিমাবহতু শুম্বনিশুম্ভহন্ত্রী .. ৪ ..
বিশ্বেশ্বরীতি মহিষান্তকরীতি যস্যাঃ
নারায়ণীত্যপি চ নামভিরঙ্কিতানি .
সূক্তানি পঙ্কজভুবা চ সুরর্ষিভিশ্চ
দৃষ্টানি পাবকমুখৈশ্চ শিবাং ভজে তাম্ .. ৫ ..
উৎপত্তিদৈত্যহননস্তবনাত্মকানি
সংরক্ষকাণ্যখিলভূতহিতায় যস্যাঃ .
সূক্তান্যশেষনিগমান্তবিদঃ পঠন্তি
তাং বিশ্বমাতরমজস্রমভিষ্টবীমি .. ৬ ..
যে বৈপ্রচিত্তপুনসুত্থিতশুম্ভমুখ্যৈঃ
দুর্ভিক্ষঘোরসময়েন চ কারিতাসু .
আবিষ্কৃতাস্ত্রিজগদার্তিষু রূপভেদাঃ
তৈরম্বিকা সমভিরক্ষতু মাং বিপদ্ভ্যঃ .. ৭ ..
সূক্তং যদীয়মরবিন্দভবাদি দৃষ্টং
আবর্ত্য দেব্যনুপদং সুরথঃ সমাধিঃ .
দ্বাবপ্যবাপতুরভীষ্টমনন্যলভ্যং
তামাদিদেবতরুণীং প্রণমামি দেবীম্ .. ৮ ..
মাহিষ্মতীতনুভবং চ রুরূং চ হন্তুং
আবিষ্কৃতৈর্নিজরসাদবতারভেদৈঃ .
অষ্টাদশাহতনবাহতকোটিসংখ্যৈঃ
অম্বা সদা সমভিরক্ষতু মাং বিপদ্ভ্যঃ .. ৯ ..
এতচ্চরিত্রমখিলং লিখিতং হি যস্যাঃ
সম্পূজিতং সদন এব নিবেশিতং বা .
দুর্গং চ তারয়তি দুস্তরমপ্যশেষং
শ্রেয়ঃ প্রয়চ্ছতি চ সর্বমুমাং ভজেতাম্ .. ১০ ..
যৎপূজনস্তুতিনমস্কৃতিংভির্ভবন্তি
প্রীতাঃ পিতামহ রমেশহরাস্ত্রয়োঽপি .
তেষামপি স্বকগুর্ণংর্দদতী বপূংষি
তামীশ্বরস্য তরুণীং শরণং প্রপদ্যে .. ১১ ..
কান্তারমধ্যদৃঢলগ্নতয়াঽবসন্না
মগ্নাশ্চবারিধিজলে রিপুভিশ্চ রুদ্ধাঃ .
যস্যাঃ প্রপদ্য চরণৌ বিপদস্তরন্তি
সা মে সদাঽস্তু হৃদি সর্বজগৎসবিত্রী .. ১২ ..
বন্ধে বধে মহতি মৃত্যুভয়ে প্রসক্তে
বিত্তক্ষয়ে চ বিবিধে য মহোপতাপে .
যৎপাদপূজনমিহ প্রতিকারমাহুঃ
সা মে সমস্তজননী শরণং ভবানী .. ১৩ ..
বাণাসুরপ্রহিতপন্নগবন্ধমোক্ষঃ
তদ্বাহুদর্পদলনাদুষয়া চ যোগঃ .
প্রাদ্যুম্নিনা দ্রুতমলভ্যত যৎপ্রসাদাৎ
সা মে শিবা সকলমপ্যশুভং ক্ষিণোতু .. ১৪ ..
পাপঃ পুলস্ত্যতনয়ঃ পুনরুত্থিতো মাং
অদ্যাপি হর্তুময়মাগত ইত্যুদীতম্ .
যৎসেবনেন ভয়মিন্দিরয়াঽবধূতং
তামাদিদেবতরুণীং শরণং গতোঽস্মি .. ১৫ ..
যদ্ধ্যানজং সুখমবাপ্যমনন্তপুণ্যৈঃ
সা মে সদা ভগবতী ভবতু প্রসন্না .. ১৬ ..
রাত্রিং প্রপদ্য ইতি মন্ত্রবিদঃ প্রপন্নান্
উদ্বোধ্য মৃত্যুবধি মন্যফলৈঃ প্রলোভ্য .
বুদ্ধ্বা চ তদ্বিমুখতাং প্রতনং নয়ন্তীং
আকাশমাদিজননীং জগতাং ভজে তাম্ .. ১৭ ..
দেশকালেষু দুষ্টেষু দুর্গাচন্দ্রকলাস্তুতিঃ .
সন্ধ্যয়োরনুসন্ধেয়া সর্বাপদ্বিনিবৃত্তয়ে .. ১৮ ..
শ্রীমদপয়্যদীক্ষিতবিরচিতা দুর্গাচন্দ্রকলাস্তুতিঃ |