Brahmanda Mohanakkhyang Durga Kavacham
ব্রহ্মাণ্ডমোহনাখ্যং দুর্গাকবচম্
Brahmanda Mohanakkhyang Durga Kavacham
ব্রহ্মাণ্ডমোহনাখ্যং দুর্গাকবচম্
|| ব্রহ্মাণ্ডমোহনাখ্যং দুর্গাকবচম্ ||
শ্রীগণেশায় নমঃ |
নারদ উবাচ |
ভগবন্সর্বধর্মজ্ঞ সর্বজ্ঞানবিশারদ |
ব্রহ্মাণ্ডমোহনং নাম প্রকৃতে কবচং বদ || ১||
নারায়ণ উবাচ |
শ্রৃণু বক্ষ্যামি হে বৎস কবচং চ সুদুর্লভম্ |
শ্রীকৃষ্ণেনৈব কথিতং কৃপয়া ব্রহ্মণে পুরা || ২||
ব্রহ্মণা কথিতং পূর্বং ধর্মায় জান্হবীতটে |
ধর্মেণ দত্তং মহ্যং চ কৃপয়া পুষ্করে পুরা || ৩||
ত্রিপুরারিশ্চ যদ্ধৃৎবা জঘান ত্রিপুরং পুরা |
মমোচ ব্রহ্মা যদ্ধৃৎবা মধুকৈটভয়োর্ভয়াৎ || ৪||
সঞ্জহার রক্তবীজং যদ্ধৃৎবা ভদ্রকালিকা |
যদ্ধৃৎবা হি মহেন্দ্রশ্চ সম্প্রাপ কমলালয়াম্ || ৫||
যদ্ধৃৎবা চ মহায়োদ্ধা বাণঃ শত্রুভয়ঙ্করঃ |
যদ্ধৃৎবা শিবতুল্যশ্চ দুর্বাসা জ্ঞানিনাং বরঃ || ৬||
ওঁ দুর্গেতি চতুর্থ্যন্তঃ স্বাহান্তো মে শিরোঽবতু |
মন্ত্রঃ ষডক্ষরোঽযং চ ভক্তানাং কল্পপাদপঃ || ৭||
বিচারো নাস্তি বেদে চ গ্রহণেঽস্য মনোর্মুনে |
মন্ত্রগ্রহণমাত্রেণ বিষ্ণুতুল্যো ভবেন্নরঃ || ৮||
মম বক্ত্রং সদা পাতু ওঁ দুর্গায়ৈ নমোঽন্তকঃ |
ওঁ দুর্গে ইতি কণ্ঠং তু মন্ত্রঃ পাতু সদা মম || ৯||
ওঁ হ্রীং শ্রীমিতি মন্ত্রোঽযং স্কন্ধং পাতু নিরন্তরম্ |
হ্রীং শ্রীং ক্লীমিতি পৃষ্ঠং চ পাতু মে সর্বতঃ সদা || ১০||
হ্রীং মে বক্ষস্থলে পাতু হং সং শ্রীমিতি সন্ততম্ |
ঐং শ্রীং হ্রীং পাতু সর্বাঙ্গং স্বপ্নে জাগরণে সদা || ১১||
প্রাচ্যাং মাং পাতু প্রকৃতিঃ পাতু বহ্নৌ চ চণ্ডিকা |
দক্ষিণে ভদ্রকালী চ নৈঋত্যাং চ মহেশ্বরী || ১২||
বারুণ্যাং পাতু বারাহী বায়ব্যাং সর্বমঙ্গলা |
উত্তরে বৈষ্ণবী পাতু তথৈশান্যাং শিবপ্রিয়া || ১৩||
জলে স্থলে চান্তরিক্ষে পাতু মাং জগদম্বিকা |
ইতি তে কথিতং বৎস কবচং চ সুদুর্লভম্ || ১৪||
যস্মৈ কস্মৈ ন দাতব্যং প্রবক্তব্যং ন কস্যচিৎ |
গুরুমভ্যর্চ্য বিধিবদ্বস্ত্রালঙ্কারচন্দনৈঃ || ১৫||
কবচং ধারয়েদ্যস্তু সোঽপি বিষ্ণুর্ন সংশয়ঃ |
স্নানে চ সর্বতীর্থানাং পৃথিব্যাশ্চ প্রদক্ষিণে || ১৬||
যৎফলং লভতে লোকস্তদেতদ্ধারণে মুনে |
পঞ্চলক্ষজপেনৈব সিদ্ধমেতদ্ভবেদ্ধ্রুবম্ || ১৭||
লোকে চ সিদ্ধকবচো নাবসীদতি সঙ্কটে |
ন তস্য মৃত্যুর্ভবতি জলে বহ্নৌ বিষে জ্বরে || ১৮||
জীবন্মুক্তো ভবেৎসোঽপি সর্বসিদ্ধীশ্বরীশ্বরি |
যদি স্যাৎসিদ্ধকবচো বিষ্ণুতুল্যো ভবেদ্ধ্রুবম্ || ১৯||
|| ইতি শ্রীব্রহ্মবৈবর্তে প্রকৃতিখণ্ডান্তর্গতদুর্গাকবচম্ সম্পূর্ণম্ ||