স্তবঃ শ্রী রামচন্দ্রের স্তব | Stob Shri RamaChandrer Stob
শ্রী রামচন্দ্রের স্তবঃ
(ইমন কল্যাণ)
স্তবঃ শ্রী রামচন্দ্রের স্তব
বর্ণানামর্থসঙ্ঘানাং রসানাং ছন্দসামপি
মঙ্গলানাঞ্চ কর্তারৌ বন্দে বাণীবিনায়কৌ॥১॥
ভবানীশঙ্করৌ বন্দে শ্রদ্ধাবিশ্বাসরূপিণৌ।
যাভ্যাং বিনা ন পশ্যন্তি সিদ্ধাঃ স্বান্তঃস্থমীশ্বরম্॥২॥
বন্দে বোধময়ং নিত্যং গুরুং শঙ্কররূপিণম্।
যমাশ্রিতো হি বক্ৰোঽপি চন্দ্রঃ সর্বত্র বন্দ্যতে॥৩॥
সীতারামগুণগ্রাম—পুণ্যারণ্যবিহারিণৌ।
বন্দে বিশুদ্ধবিজ্ঞানৌ কবীশ্বরকপীশ্বরৌ॥৪॥
উদ্ভবস্থিতি—সংহারকারিণীং ক্লেশহারিণীম্।
সর্বশ্রেয়স্করীং সীতাং নতোঽহং রামবল্লভাম্॥৫॥
যন্মায়াবশবর্তি বিশ্বমখিলং ব্রহ্মাদিদেবাসুরাঃ
যৎসত্ত্বামৃষৈব ভাতি সকলং রজ্জৌ যথাহের্ভ্রমঃ।
যৎপাদপ্লব এক এব হি ভবাম্ভোধেস্তিতীর্ষাবতাম্
বন্দেঽহং তমশেষকারণপরং রামাখ্যমীশং হরিম্॥৬॥
প্রসন্নতাং যা ন গতাভিষেকতস্তথা ন মস্লৌ বনবাসদুঃখতঃ।
মুখাম্বুজশ্রী রঘুনন্দনস্য মে সদাস্তু সা মঞ্জুলমঙ্গলপ্রদা॥৭॥
নীলাম্বুজশ্যামলকোমলাঙ্গং সীতাসমারোপিতবামভাগম্।
পাণৌ মহাসায়কচারুচাপং নমামি রামং রঘুবংশনাথম্॥৮॥
মূলং ধর্মতরোর্বিবেকজলধেঃ পূর্ণেন্দুমানন্দং
বৈরাগ্যাম্বুজভাস্করং ত্বঘহরং ধ্বান্তাপহং তাপহম্।
মোহাম্ভোধরপুঞ্জপাটনবিধৌ খেসম্ভবং শঙ্করং
বন্দে ব্রহ্মকূলং কলঙ্কশমনং শ্রীরামভূপপ্রিয়ম্॥৯॥
সান্দ্রানন্দপয়োদসৌভগতনুং পীতাম্বরং সুন্দরং
পাণৌ বাণশরাসনং কটিলসত্তুণীরভারং বরম্।
রাজীবায়তলোচনং ধৃতজটাজুটেন সংশোভিতং
সীতালক্ষ্মণসংযুতং পথিগতং রামাভিরামং ভজে॥১০॥
কুন্দেীবরসুন্দরাবতিবলৌ বিজ্ঞানধামাবুভৌ
শোভাঢ্যৌ বরধন্বিনৌ শ্রুতিনুতৌ গো-বিপ্রবৃন্দপ্রিয়ৌ।
মায়ামানুষরূপিণৌ রঘুবরৌ সদ্ধর্মবমৌহিতৌ
সীতান্বেষণতৎপরৌ পথিগতৌ ভক্তিপ্রদৌ তৌ হি নঃ॥১১॥
ব্রহ্মাম্ভোধিসমুদ্ভবং কলিমলপ্ৰধ্বংসনং চাব্যয়ং
শ্ৰীমচ্ছ্যুমুখেন্দুসুন্দরবরে সংশোভিতং সর্বদা।
সংসারাময়ভেষজং সুমধুরং শ্রীজানকীজীবনং
ধন্যাস্তে কৃতিনঃ পিবন্তি সততং শ্রীরামনামামৃতম্॥১২॥
শান্তং শাশ্বতমপ্রমেয়মনঘং নির্বাণশান্তিপ্রদং
ব্রহ্মাশম্ভুফণীন্দ্রসেব্যমনিশং বেদান্তবেদ্যং বিভুম্।
রামাখ্যং জগদীশ্বরং সুরগুরুং মায়ামনুষ্যং হরিং
বন্দেঽহং করুণাকরং রঘুবরং ভূপালচূড়ামণিম্॥১৩॥
কেকিকণ্ঠাভনীলং সুরবরবিলসদ্ বিপ্রপাদাজচিহ্নং
শোভ্যাঢ্যং পীতবস্ত্রং সরসিজনয়নং সর্বদা সুপ্রসন্নম্।
পাণৌ নারাচচাপং কপিনিকরযুতং বন্ধুনা সেব্যমানম্
নৌমীড্যং জানকীশং রঘুবরমনীশং পুষ্পকারূঢ়রামম্॥১৪॥
আর্তনামাৰ্তিহন্তারং ভীতানাং ভয়নাশনম্।
দ্বিষতাং কালদণ্ডং তং রামচন্দ্রং নমাম্যহম্॥১৫॥
শ্রীরাঘবং দশরথাত্মজমপ্রমেয়ং
সীতাপতিং রঘুকুলান্বয়রত্নদীপম্।
আজানুবাহুমরবিন্দ-দলায়তাক্ষং
রামং নিশাচরবিনাশকরং নমামি॥১৬॥
বৈদেহীসহিতং সুরদ্রুমতলে হৈমে মহামণ্ডপে
মধ্যে পুষ্পকাসনে মণিময়ে বীরাসনে সংস্থিতম্।
অগ্রে বাচয়তি প্রভঞ্জনসুতে তত্ত্বং মুনীন্দ্রৈঃ পরম্
ব্যাখ্যাতং ভরতাদিভিঃ পরিবৃতং রামং ভজে শ্যামলম্॥১৭॥