Sri Durga Ashtakam Bengali Lyrics
দুর্গাষ্টকম্दु
र्गाष्टकम्
Sri Durga Ashtakam Bengali Lyrics
দুর্গাষ্টকম্दु
॥ Sri Durga Ashtakam Bengali Lyrics ॥
॥ দুর্গাষ্টকম্ ॥
দুর্গে পরেশি শুভদেশি পরাত্পরেশি
বন্দ্যে মহেশদয়িতে করূণার্ণবেশি ।
স্তুত্যে স্বধে সকলতাপহরে সুরেশি
কৃষ্ণস্তুতে কুরু কৃপাং ললিতেঽখিলেশি ॥ ১ ॥
দিব্যে নুতে শ্রুতিশতৈর্বিমলে ভবেশি
কন্দর্পদারাশতসুন্দরি মাধবেশি ।
মেধে গিরীশতনয়ে নিয়তে শিবেশি
কৃষ্ণস্তুতে কুরু কৃপাং ললিতেঽখিলেশি ॥ ২ ॥
রাসেশ্বরি প্রণততাপহরে কুলেশি
ধর্মপ্রিয়ে ভয়হরে বরদাগ্রগেশি ।
বাগ্দেবতে বিধিনুতে কমলাসনেশি
কৃষ্ণস্তুতেকুরু কৃপাং ললিতেঽখিলেশি ॥ ৩ ॥
পূজ্যে মহাবৃষভবাহিনি মংগলেশি
পদ্মে দিগম্বরি মহেশ্বরি কাননেশি
রম্যেধরে সকলদেবনুতে গয়েশি
কৃষ্ণস্তুতে কুরু কৃপাং ললিতেঽখিলেশি ॥ ৪ ॥
শ্রদ্ধে সুরাঽসুরনুতে সকলে জলেশি
গংগে গিরীশদয়িতে গণনায়কেশি ।
দক্ষে স্মশাননিলয়ে সুরনায়কেশি
কৃষ্ণস্তুতে কুরু কৃপাং ললিতেঽখিলেশি ॥ ৫ ॥
তারে কৃপার্দ্রনয়নে মধুকৈটভেশি
বিদ্যেশ্বরেশ্বরি য়মে নিখলাক্ষরেশি ।
ঊর্জে চতুঃস্তনি সনাতনি মুক্তকেশি
কৃষ্ণস্তুতে কুরু কৃপাং ললিতঽখিলেশি ॥ ৬ ॥
মোক্ষেঽস্থিরে ত্রিপুরসুন্দরিপাটলেশি
মাহেশ্বরি ত্রিনয়নে প্রবলে মখেশি ।
তৃষ্ণে তরংগিণি বলে গতিদে ধ্রুবেশি
কৃষ্ণস্তুতে কুরু কৃপাং ললিতেঽখিলেশি ॥ ৭ ॥
বিশ্বম্ভরে সকলদে বিদিতে জয়েশি
বিন্ধ্যস্থিতে শশিমুখি ক্ষণদে দয়েশি ।
মাতঃ সরোজনয়নে রসিকে স্মরেশি
কৃষ্ণস্তুতে কুরু কৃপাং ললিতেঽখিলেশি ॥ ৮ ॥
দুর্গাষ্টকং পঠতি য়ঃ প্রয়তঃ প্রভাতে
সর্বার্থদং হরিহরাদিনুতাং বরেণ্যাং ।
দুর্গাং সুপূজ্য মহিতাং বিবিধোপচারৈঃ
প্রাপ্নোতি বাংছিতফলং ন চিরান্মনুষ্যঃ ॥ ৯ ॥
॥ ইতি শ্রী মত্পরমহংসপরিব্রাজকাচার্য
শ্রীমদুত্তরাংনায়জ্যোতিষ্পীঠাধীশ্বরজগদ্গুরূ-শংকরাচার্য-স্বামি-
শ্রীশান্তানন্দ সরস্বতী শিষ্য-স্বামি শ্রী মদনন্তানন্দ-সরস্বতি
বিরচিতং শ্রী দুর্গাষ্টকং সম্পূর্ণম্ ॥
दुर्गाष्टकम्
दुर्गे परेशि शुभदेशि परात्परेशि
वन्द्ये महेशदयिते करूणार्णवेशि ।
स्तुत्ये स्वधे सकलतापहरे सुरेशि
कृष्णस्तुते कुरु कृपां ललितेऽखिलेशि ॥ १॥
दिव्ये नुते श्रुतिशतैर्विमले भवेशि
कन्दर्पदाराशतसुन्दरि माधवेशि ।
मेधे गिरीशतनये नियते शिवेशि
कृष्णस्तुते कुरु कृपां ललितेऽखिलेशि ॥ २॥
रासेश्वरि प्रणततापहरे कुलेशि
धर्मप्रिये भयहरे वरदाग्रगेशि ।
वाग्देवते विधिनुते कमलासनेशि
कृष्णस्तुतेकुरु कृपां ललितेऽखिलेशि ॥ ३॥
पूज्ये महावृषभवाहिनि मंगलेशि
पद्मे दिगम्बरि महेश्वरि काननेशि ।
रम्येधरे सकलदेवनुते गयेशि
कृष्णस्तुते कुरु कृपां ललितेऽखिलेशि ॥ ४॥
श्रद्धे सुराऽसुरनुते सकले जलेशि
गंगे गिरीशदयिते गणनायकेशि ।
दक्षे स्मशाननिलये सुरनायकेशि
कृष्णस्तुते कुरु कृपां ललितेऽखिलेशि ॥ ५॥
तारे कृपार्द्रनयने मधुकैटभेशि
विद्येश्वरेश्वरि यमे निखलाक्षरेशि ।
ऊर्जे चतुःस्तनि सनातनि मुक्तकेशि
कृष्णस्तुते कुरु कृपां ललितऽखिलेशि ॥ ६॥
मोक्षेऽस्थिरे त्रिपुरसुन्दरिपाटलेशि
माहेश्वरि त्रिनयने प्रबले मखेशि ।
तृष्णे तरंगिणि बले गतिदे ध्रुवेशि
कृष्णस्तुते कुरु कृपां ललितेऽखिलेशि ॥ ७॥
विश्वम्भरे सकलदे विदिते जयेशि
विन्ध्यस्थिते शशिमुखि क्षणदे दयेशि ।
मातः सरोजनयने रसिके स्मरेशि
कृष्णस्तुते कुरु कृपां ललितेऽखिलेशि ॥ ८॥
दुर्गाष्टकं पठति यः प्रयतः प्रभाते
सर्वार्थदं हरिहरादिनुतां वरेण्यां ।
दुर्गां सुपूज्य महितां विविधोपचारैः
प्राप्नोति वांछितफलं न चिरान्मनुष्यः ॥ ९॥
॥ इति श्री मत्परमहंसपरिव्राजकाचार्य
श्रीमदुत्तरांनायज्योतिष्पीठाधीश्वरजगद्गुरू-शंकराचार्य-स्वामि-
श्रीशान्तानन्द सरस्वती शिष्य-स्वामि श्रीमदनन्तानन्द-सरस्वति
विरचितं श्री दुर्गाष्टकं सम्पूर्णम्॥