Siddha Kunjika Stotram Lyrics
সিদ্ধকুঞ্জিকাস্তোত্রম্
Siddha Kunjika Stotram Lyrics
|| সিদ্ধকুঞ্জিকাস্তোত্রম্ ||
শ্রী গণেশায় নমঃ |
ওঁ অস্য শ্রীকুঞ্জিকাস্তোত্রমন্ত্রস্য সদাশিব ঋষিঃ, অনুষ্টুপ্ ছন্দঃ,
শ্রীত্রিগুণাত্মিকা দেবতা, ওঁ ঐং বীজং, ওঁ হ্রীং শক্তিঃ, ওঁ ক্লীং কীলকম্,
মম সর্বাভীষ্টসিদ্ধ্যর্থে জপে বিনিয়োগঃ |
শিব উবাচ |
শৃণু দেবি প্রবক্ষ্যামি কুঞ্জিকাস্তোত্রমুত্তমম্ |
যেন মন্ত্রপ্রভাবেণ চণ্ডীজাপঃ শুভো ভবেৎ || ১||
ন কবচং নার্গলাস্তোত্রং কীলকং ন রহস্যকম্ |
ন সূক্তং নাপি ধ্যানং চ ন ন্যাসো ন চ বার্চনম্ || ২||
কুঞ্জিকাপাঠমাত্রেণ দুর্গাপাঠফলং লভেৎ |
অতি গুহ্যতরং দেবি দেবানামপি দুর্লভম্ || ৩||
গোপনীয়ং প্রয়ত্নেন স্বয়োনিরিব পার্বতি |
মারণং মোহনং বশ্যং স্তম্ভনোচ্চাটনাদিকম্ |
পাঠমাত্রেণ সংসিদ্ধ্যেৎ কুঞ্জিকাস্তোত্রমুত্তমম্ || ৪||
অথ মন্ত্রঃ |
ওঁ ঐং হ্রীং ক্লীং চামুণ্ডায়ৈ বিচ্চে |
ওঁ গ্লৌং হুং ক্লীং জূং সঃ জ্বালয় জ্বালয় জ্বল জ্বল প্রজ্বল প্রজ্বল
ঐং হ্রীং ক্লীং চামুণ্ডায়ৈ বিচ্চে জ্বল হং সং লং ক্ষং ফট্ স্বাহা || ৫||
ইতি মংত্রঃ |
নমস্তে রুদ্ররূপিণ্যৈ নমস্তে মধুমর্দিনি |
নমঃ কৈটভহারিণ্যৈ নমস্তে মহিষার্দিনি || ৬||
নমস্তে শুম্ভহন্ত্র্যৈ চ নিশুম্ভাসুরঘাতিনি |
জাগ্রতং হি মহাদেবি জপং সিদ্ধং কুরূষ্ব মে || ৭||
ঐঙ্কারী সৃষ্টিরূপায়ৈ হ্রীঙ্কারী প্রতিপালিকা |
ক্লীঙ্কারী কামরূপিণ্যৈ বীজরূপে নমোঽস্তু তে || ৮||
চামুণ্ডা চণ্ডঘাতী চ যৈকারী বরদায়িনী |
বিচ্চে চাভয়দা নিত্যং নমস্তে মন্ত্ররূপিণি || ৯||
ধাং ধীং ধূং ধূর্জটেঃ পত্নী বাং বীং বূং বাগধীশ্বরী |
ক্রাং ক্রীং ক্রূং কালিকা দেবি শাং শীং শূং মে শুভং কুরু || ১০||
হুং হুং হুঙ্কাররূপিণ্যৈ জং জং জং জম্ভনাদিনী |
ভ্রাং ভ্রীং ভ্রূং ভৈরবী ভদ্রে ভবান্যৈ তে নমো নমঃ || ১১||
অং কং চং টং তং পং যং শং বীং দুং ঐং বীং হং ক্ষং |
ধিজাগ্রম্ ধিজাগ্রং ত্রোটয় ত্রোটয় দীপ্তং কুরু কুরু স্বাহা || ১২||
ওঁ অং কং চং টং তং পং সাং বিদুরাং বিদুরাং বিমর্দয় বিমর্দয়
হ্রীং ক্ষাং ক্ষীং স্রীং জীবয় জীবয় ত্রোটয় ত্রোটয়
জম্ভয় জংভয় দীপয় দীপয় মোচয় মোচয়
হূং ফট্ জ্রাং বৌষট্ ঐং হ্র়ীং ক্লীং রঞ্জয় রঞ্জয়
সঞ্জয় সঞ্জয় গুঞ্জয় গুঞ্জয় বন্ধয় বন্ধয়
ভ্রাং ভ্রীং ভ্রূং ভৈরবী ভদ্রে সঙ্কুচ সঙ্কুচ
ত্রোটয় ত্রোটয় ম্লীং স্বাহা || ১২||
পাং পীং পূং পার্বতী পূর্ণা খাং খীং খূং খেচরী তথা |
ম্লাং ম্লীং ম্লূং মূলবিস্তীর্ণা কুঞ্জিকাস্তোত্র হেতবে |
সাং সীং সূং সপ্তশতী দেব্যা মংত্রসিদ্ধিং কুরূষ্ব মে || ১৩||
কুঞ্জিকায়ৈ নমো নমঃ |
ইদং তু কুঞ্জিকাস্তোত্রং মন্ত্রজাগর্তিহেতবে |
অভক্তে নৈব দাতব্যং গোপিতং রক্ষ পার্বতি || ১৪||
যস্তু কুঞ্জিকয়া দেবি হীনাং সপ্তশতীং পঠেৎ |
ন তস্য জায়তে সিদ্ধিররণ্যে রোদনং যথা || ১৫||
| ইতি শ্রীরুদ্রয়ামলে গৌরীতন্ত্রে শিবপার্বতীসংবাদে
কুঞ্জিকাস্তোত্রং সম্পূর্ণম্ |
