Shri Kumari Sahasra Naama Stotram
শ্রীকুমারীসহস্রনামস্তোত্রম্
Shri Kumari Sahasra Naama Stotram
শ্রীকুমারীসহস্রনামস্তোত্রম্
|| শ্রীকুমারীসহস্রনামস্তোত্রম্ ||
আনন্দভৈরব উবাচ
বদ কান্তে সদানন্দস্বরূপানন্দবল্লভে |
কুমার্যা দেবতামুখ্যাঃ পরমানন্দবর্ধনম্ || ১||
অষ্টোত্তরসহস্রাখ্যং নাম মঙ্গলমদ্ভুতম্ |
যদি মে বর্ততে বিদ্যে যদি স্নেহকলামলা || ২||
তদা বদস্ব কৌমারীকৃতকর্মফলপ্রদম্ |
মহাস্তোত্রং কোটিকোটি কন্যাদানফলং ভবেৎ || ৩||
আনন্দভৈরবী উবাচ
মহাপুণ্যপ্রদং নাথ শৃণু সর্বেশ্বরপ্রিয় |
অষ্টোত্তরসহস্রাখ্যং কুমার্যাঃ পরমাদ্ভুতম্ || ৪||
পঠিত্ত্বা ধারয়িত্ত্বা বা নরো মুচ্যেত সঙ্কটাৎ |
সর্বত্র দুর্লভং ধন্যং ধন্যলোকনিষেবিতম্ || ৫||
অণিমাদ্যষ্টসিদ্ধ্যঙ্গং সর্বানন্দকরং পরম্ |
মায়ামন্ত্রনিরস্তাঙ্গং মন্ত্রসিদ্ধিপ্রদে নৃণাম্ || ৬||
ন পূজা ন জপং স্নানং পুরশ্চর্যাবিধিশ্চ ন |
অকস্মাৎ সিদ্ধিমবাপ্নোতি সহস্রনামপাঠতঃ || ৭||
সর্বয়জ্ঞফলং নাথ প্রাপ্নোতি সাধকঃ ক্ষণাৎ |
মন্ত্রার্থং মন্ত্রচৈতন্যং যোনিমুদ্রাস্বরূপকম্ || ৮||
কোটিবর্ষশতেনাপি ফলং বক্তুং ন শক্যতে |
তথাপি বক্তুমিচ্ছামি হিতায় জগতাং প্রভো || ৯||
অস্যাঃ শ্রীকুমার্যাঃ সহস্রনামকবচস্য
বটুকভৈরবঋষিঃ | অনুষ্টুপ্ছন্দঃ | কুমারীদেবতা |
সর্বমন্ত্রসিদ্ধিসমৃদ্ধয়ে বিনিয়োগঃ || ১০||
ওঁ কুমারী কৌশিকী কালী কুরুকুল্লা কুলেশ্বরী |
কনকাভা কাঞ্চনাভা কমলা কালকামিনী || ১১||
কপালিনী কালরূপা কৌমারী কুলপালিকা |
কান্তা কুমারকান্তা চ কারণা করিগামিনী || ১২||
কন্ধকান্তা কৌলকান্তা কৃতকর্মফলপ্রদা |
কার্যাকার্যপ্রিয়া কক্ষা কংসহন্ত্রী কুরুক্ষয়া || ১৩||
কৃষ্ণকান্তা কালরাত্রিঃ কর্ণেষুধারিণীকরা |
কামহা কপিলা কালা কালিকা কুরুকামিনী || ১৪||
কুরুক্ষেত্রপ্রিয়া কৌলা কুন্তী কামাতুরা কচা |
কলঞ্জভক্ষা কৈকেয়ী কাকপুচ্ছধ্বজা কলা || ১৫||
কমলা কামলক্ষ্মী চ কমলাননকামিনী |
কামধেনুস্বরূপা চ কামহা কামমদীনী || ১৬||
কামদা কামপূজ্যা চ কামাতীতা কলাবতী |
ভৈরবী কারণাঢ্যা চ কৈশোরী কুশলাঙ্গলা || ১৭||
কম্বুগ্রীবা কৃষ্ণনিভা কামরাজপ্রিয়াকৃতিঃ |
কঙ্কণালঙ্কৃতা কঙ্কা কেবলা কাকিনী কিরা || ১৮||
কিরাতিনী কাকভক্ষা করালবদনা কৃশা |
কেশিনী কেশিহা কেশা কাসাম্বষ্ঠা করিপ্রিয়া || ১৯||
কবিনাথস্বরূপা চ কটুবাণী কটুস্থিতা |
কোটরা কোটরাক্ষী চ করনাটকবাসিনী || ২০||
কটকস্থা কাষ্ঠসংস্থা কন্দর্পা কেতকী প্রিয়া |
কেলিপ্রিয়া কম্বলস্থা কালদৈত্যবিনাশিনী || ২১||
কেতকীপুষ্পশোভাঢ্যা কর্পূরপূর্ণজিহ্বিকা |
কর্পূরাকরকাকোলা কৈলাসগিরিবাসিনী || ২২||
কুশাসনস্থা কাদম্বা কুঞ্জরেশী কুলাননা |
খর্বা খড্গধরা খড্গা খলহা খলবুদ্ধিদা || ২৩||
খঞ্জনা খররূপা চ ক্ষারাম্লতিক্তমধ্যগা |
খেলনা খেটককরা খরবাক্যা খরোৎকটা || ২৪||
খদ্যোতচঞ্চলা খেলা খদ্যোতা খগবাহিনী |
খেটকস্থা খলাখস্থা খেচরী খেচরপ্রিয়া || ২৫||
খচরা খরপ্রেমা খলাঢ্যা খচরাননা |
খেচরেশী খরোগ্রা চ খেচরপ্রিয়ভাষিণী || ২৬||
খর্জূরাসবসংমত্তা খর্জূরফলভোগিনী |
খাতমধ্যস্থিতা খাতা খাতাম্বুপরিপূরিণী || ২৭||
খ্যাতিঃ খ্যাতজলানন্দা খুলনা খঞ্জনাগতিঃ |
খল্বা খলতরা খারী খরোদ্বেগনিকৃন্তনী || ২৮||
গগনস্থা চ ভীতা চ গভীরনাদিনী গয়া |
গঙ্গা গভীরা গৌরী চ গণনাথ প্রিয়া গতিঃ || ২৯||
গুরুভক্তা গ্বালিহীনা গেহিনী গোপিনী গিরা |
গোগণস্থা গাণপত্যা গিরিজা গিরিপূজিতা || ৩০||
গিরিকান্তা গণস্থা চ গিরিকন্যা গণেশ্বরী |
গাধিরাজসুতা গ্রীবা গুর্বী গুর্ব্যম্বশাঙ্করী || ৩১||
গন্ধর্ব্বকামিনী গীতা গায়ত্রী গুণদা গুণা |
গুগ্গুলুস্থা গুরোঃ পূজ্যা গীতানন্দপ্রকাশিনী || ৩২||
গয়াসুরপ্রিয়াগেহা গবাক্ষজালমধ্যগা |
গুরুকন্যা গুরোঃ পত্নী গহনা গুরুনাগিনী || ৩৩||
গুল্ফবায়ুস্থিতা গুল্ফা গর্দ্দভা গর্দ্দভপ্রিয়া |
গুহ্যা গুহ্যগণস্থা চ গরিমা গৌরিকা গুদা || ৩৪||
গুদোর্ধ্বস্থা চ গলিতা গণিকা গোলকা গলা |
গান্ধর্বী গাননগরী গন্ধর্বগণপূজিতা || ৩৫||
ঘোরনাদা ঘোরমুখী ঘোরা ঘর্মনিবারিণী |
ঘনদা ঘনবর্ণা চ ঘনবাহনবাহনা || ৩৬||
ঘর্ঘরধ্বনিচপলা ঘটাঘটপটাঘটা |
ঘটিতা ঘটনা ঘোনা ঘনরুপ ঘনেশ্বরী || ৩৭||
ঘুণ্যাতীতা ঘর্ঘরা চ ঘোরাননবিমোহিনী |
ঘোরনেত্রা ঘনরুচা ঘোরভৈরব কন্যকা || ৩৮||
ঘাতাঘাতকহা ঘাত্যা ঘ্রাণাঘ্রাণেশবায়বী |
ঘোরান্ধকারসংস্থা চ ঘসনা ঘস্বরা ঘরা || ৩৯||
ঘোটকেস্থা ঘোটকা চ ঘোটকেশ্বরবাহনা |
ঘননীলমণিশ্যামা ঘর্ঘরেশ্বরকামিনী || ৪০||
ঙকারকূটসম্পন্না ঙকারচক্রগামিনী |
ঙকারী ঙসংশা চৈব ঙীপনীতা ঙকারিণী || ৪১||
চন্দ্রমণ্ডলমধ্যস্থা চতুরা চারুহাসিনী |
চারুচন্দ্রমুখী চৈব চলঙ্গমগতিপ্রিয়া || ৪২||
চঞ্চলা চপলা চণ্ডী চেকিতানা চরুস্থিতা |
চলিতা চাননা চার্ব্বো চারুভ্রমরনাদিনী || ৪৩||
চৌরহা চন্দ্রনিলয়া চৈন্দ্রী চন্দ্রপুরস্থিতা |
চক্রকৌলা চক্ররূপা চক্রস্থা চক্রসিদ্ধিদা || ৪৪||
চক্রিণী চক্রহস্তা চ চক্রনাথকুলপ্রিয়া |
চক্রাভেদ্যা চক্রকুলা চক্রমণ্ডলশোভিতা || ৪৫||
চক্রেশ্বরপ্রিয়া চেলা চেলাজিনকুশোত্তরা |
চতুর্বেদস্থিতা চণ্ডা চন্দ্রকোটিসুশীতলা || ৪৬||
চতুর্গুণা চন্দ্রবর্ণা চাতুরী চতুরপ্রিয়া |
চক্ষুঃস্থা চক্ষুবসতিশ্চণকা চণকপ্রিয়া || ৪৭||
চার্ব্বঙ্গী চন্দ্রনিলয়া চলদম্বুজলোচনা |
চর্ব্বরীশা চারুমুখী চারুদন্তা চরস্থিতা || ৪৮||
চসকস্থাসবা চেতা চেতঃস্থা চৈত্রপূজিতা |
চাক্ষুষী চন্দ্রমলিনী চন্দ্রহাসমণিপ্রভা || ৪৯||
ছলস্থা ছুদ্ররূপা চ ছত্রচ্ছায়াছলস্থিতা |
ছলজ্ঞা ছেশ্বরাছায়া ছায়া ছিন্নশিবা ছলা || ৫০||
ছত্রাচামরশোভাঢ্যা ছত্রিণাং ছত্রধারিণী |
ছিন্নাতীতা ছিন্নমস্তা ছিন্নকেশা ছলোদ্ভবা || ৫১||
ছলহা ছলদা ছায়া ছন্না ছন্নজনপ্রিয়া |
ছলছিন্না ছদ্মবতী ছদ্মসদ্মনিবাসিনী || ৫২||
ছদ্মগন্ধা ছদাছন্না ছদ্মবেশী ছকারিকা |
ছগলা রক্তভক্ষা চ ছগলামোদরক্তপা || ৫৩||
ছগলণ্ডেশকন্যা চ ছগলণ্ডকুমারিকা |
ছুরিকা ছুরিককরা ছুরিকারিনিবাশিনী || ৫৪||
ছিন্ননাশা ছিন্নহস্তা ছোণলোলা ছলোদরী |
ছলোদ্বেগা ছাঙ্গবীজমালা ছাঙ্গবরপ্রদা || ৫৫||
জটিলা জঠরশ্রীদা জরা জজ্ঞপ্রিয়া জয়া |
জন্ত্রস্থা জীবহা জীবা জয়দা জীবয়োগদা || ৫৬||
জয়িনী জামলস্থা চ জামলোদ্ভবনায়িকা |
জামলপ্রিয়কন্যা চ জামলেশী জবাপ্রিয়া || ৫৭||
জবাকোটিসমপ্রখ্যা জবাপুষ্পপ্রিয়া জনা |
জলস্থা জগবিষয়া জরাতীতা জলস্থিতা || ৫৮||
জীবহা জীবকন্যা চ জনার্দ্দনকুমারিকা |
জতুকা জলপূজ্যা চ জগন্নাথাদিকামিনী || ৫৯||
জীর্ণাঙ্গী জীর্ণহীনা চ জীমূতাত্ত্যন্তশোভিতা |
জামদা জমদা জৃম্ভা জৃম্ভণাস্ত্রাদিধারিণী || ৬০||
জঘন্যা জারজা প্রীতা জগদানন্দবদ্ধীনী |
জমলার্জুনদর্পঘ্নী জমলার্জুনভঞ্জিনী || ৬১||
জয়িত্রীজগদানন্দা জামলোল্লাসসিদ্ধিদা |
জপমালা জাপ্যসিদ্ধির্জপয়জ্ঞপ্রকাশিনী || ৬২||
জাম্বুবতী জাম্ববতঃ কন্যকাজনবাজপা |
জবাহন্ত্রী জগদ্বুদ্ধির্জ্জগৎকর্তৃ জগদ্গতিঃ || ৬৩||
জননী জীবনী জায়া জগন্মাতা জনেশ্বরী |
ঝঙ্কলা ঝঙ্কমধ্যস্থা ঝণৎকারস্বরূপিণী || ৬৪||
ঝণৎঝণদ্বহ্নিরূপা ঝননাঝন্দরীশ্বরী |
ঝটিতাক্ষা ঝরা ঝঞ্ঝা ঝর্ঝরা ঝরকন্যকা || ৬৫||
ঝণৎকারী ঝনা ঝন্না ঝকারমালয়াবৃতা |
ঝঙ্করী ঝর্ঝরী ঝল্লী ঝল্বেশ্বরনিবাসিনী || ৬৬||
ঞকারী ঞকিরাতী চ ঞকারবীজমালিনী |
ঞনয়োঽন্তা ঞকারান্তা ঞকারপরমেশ্বরী || ৬৭||
ঞান্তবীজপুটাকারা ঞেকলে ঞৈকগামিনী |
ঞৈকনেলা ঞস্বরূপা ঞহারা ঞহরীতকী || ৬৮||
টুন্টুনী টঙ্কহস্তা চ টান্তবর্গা টলাবতী |
টপলা টাপবালাখ্যা টঙ্কারধ্বনিরূপিণী || ৬৯||
টলাতী টাক্ষরাতীতা টিৎকারাদিকুমারিকা |
টঙ্কাস্ত্রধারিণী টানা টমোটার্ণলভাষিণী || ৭০||
টঙ্কারী বিধনা টাকা টকাটকবিমোহিনী |
টঙ্কারধরনামাহা টিবীখেচরনাদিনী || ৭১||
ঠঠঙ্কারী ঠাঠরূপা ঠকারবীজকারণা |
ডমরূপ্রিয়বাদ্যা চ ডামরস্থা ডবীজিকা || ৭২||
ডান্তবর্গা ডমরুকা ডরস্থা ডোরডামরা |
ডগরার্দ্ধা ডলাতীতা ডদারুকেশ্বরী ডুতা || ৭৩||
ঢার্দ্ধনারীশ্বরা ঢামা ঢক্কারী ঢলনা ঢলা |
ঢকেস্থা ঢেশ্বরসুতা ঢেমনাভাবঢোননা || ৭৪||
ণোমাকান্তেশ্বরী ণান্তবর্গস্থা ণতুনাবতী |
ণনো মাণাঙ্ককল্যাণী ণাক্ষবীণাক্ষবীজিকা || ৭৫||
তুলসীতন্তুসূক্ষ্মাখ্যা তারল্যা তৈলগন্ধিকা |
তপস্যা তাপসসুতা তারিণী তরুণী তলা || ৭৬||
তন্ত্রস্থা তারকব্রহ্মস্বরূপা তন্তুমধ্যগা |
তালভক্ষত্রিধামূত্তীস্তারকা তৈলভক্ষিকা || ৭৭||
তারোগ্রা তালমালা চ তকরা তিন্তিডীপ্রিয়া |
তপসঃ তালসন্দর্ভা তর্জয়ন্তী কুমারিকা || ৭৮||
তোকাচারা তলোদ্বেগা তক্ষকা তক্ষকপ্রিয়া |
তক্ষকালঙ্কৃতা তোষা তাবদ্রূপা তলপ্রিয়া || ৭৯||
তলাস্ত্রধারিণী তাপা তপসাং ফলদায়িনী |
তল্বল্বপ্রহরালীতা তলারিগণনাশিনী || ৮০||
তূলা তৌলী তোলকা চ তলস্থা তলপালিকা
তরুণা তপ্তবুদ্ধিস্থাস্তপ্তা প্রধারিণী তপা || ৮১||
তন্ত্রপ্রকাশকরণী তন্ত্রার্থদায়িনী তথা |
তুষারকিরণাঙ্গী চ চতুর্ধা বা সমপ্রভা || ৮২||
তৈলমার্গাভিসূতা চ তন্ত্রসিদ্ধিফলপ্রদা |
তাম্রপর্ণা তাম্রকেশা তাম্রপাত্রপ্রিয়াতমা || ৮৩||
তমোগুণপ্রিয়া তোলা তক্ষকারিনিবারিণী |
তোষয়ুক্তা তমায়াচী তমষোঢেশ্বরপ্রিয়া || ৮৪||
তুলনা তুল্যরুচিরা তুল্যবুদ্ধিস্ত্রিধা মতিঃ |
তক্রভক্ষা তালসিদ্ধিঃ তত্রস্থাস্তত্র গামিনী || ৮৫||
তলয়া তৈলভা তালী তন্ত্রগোপনতৎপরা |
তন্ত্রমন্ত্রপ্রকাশা চ ত্রিশরেণুস্বরূপিণী || ৮৬||
ত্রিংশদর্থপ্রিয়া তুষ্টা তুষ্টিস্তুষ্টজনপ্রিয়া |
থকারকূটদণ্ডীশা থদণ্ডীশপ্রিয়াঽথবা || ৮৭||
থকারাক্ষররূঢাঙ্গী থান্তবর্গাথ কারিকা |
থান্তা থমীশ্বরী থাকা থকারবীজমালিনী || ৮৮||
দক্ষদামপ্রিয়া দোষা দোষজালবনাশ্রিতা |
দশা দশনঘোরা চ দেবীদাসপ্রিয়া দয়া || ৮৯||
দৈত্যহন্ত্রীপরা দৈত্যা দৈত্যানাং মদ্দীনী দিশা |
দান্তা দান্তপ্রিয়া দাসা দামনা দীর্ঘকেশিকা || ৯০||
দশনা রক্তবর্ণা চ দরীগ্রহনিবাসিনী
দেবমাতা চ দুর্লভা চ দীর্ঘাঙ্গা দাসকন্যকা || ৯১||
দশনশ্রী দীর্ঘনেত্রা দীর্ঘনাসা চ দোষহা |
দময়ন্তী দলস্থা চ দ্বেষ্যহন্ত্রী দশস্থিতা || ৯২||
দৈশেষিকা দিশিগতা দশনাস্ত্রবিনাশিনী
দারিদ্র্যহা দরিদ্রস্থা দরিদ্রধনদায়িনী || ৯৩||
দন্তুরা দেশভাষা চ দেশস্থা দেশনায়িকা |
দ্বেষরূপা দ্বেষহন্ত্রী দ্বেষারিগণমোহিনী || ৯৪||
দামোদরস্থাননাদা দলানাং বলদায়িনী |
দিগ্দর্শনা দর্শনস্থা দর্শনপ্রিয়বাদিনী || ৯৫||
দামোদরপ্রিয়া দান্তা দামোদরকলেবরা |
দ্রাবিণী দ্রবিণী দক্ষা দক্ষকন্যা দলদৃঢা || ৯৬||
দৃঢাসনাদাসশক্তির্দ্বন্দ্বয়ুদ্ধপ্রকাশিনী |
দধিপ্রিয়া দধিস্থা চ দধিমঙ্গলকারিণী || ৯৭||
দর্পহা দর্পদা দৃপ্তা দর্ভপুণ্যপ্রিয়া দধিঃ |
দর্ভস্থা দ্রুপদসুতা দ্রৌপদী দ্রুপদপ্রিয়া || ৯৮||
ধর্মচিন্তা ধনাধ্যক্ষা ধশ্বেশ্বরবরপ্রদা |
ধনহা ধনদা ধন্বী ধনুর্হস্তা ধনুঃপ্রিয়া || ৯৯||
ধরণী ধৈর্যরূপা চ ধনস্থা ধনমোহিনী |
ধোরা ধীরপ্রিয়াধারা ধরাধারণতৎপরা || ১০০||
ধান্যদা ধান্যবীজা চ ধর্মাধর্মস্বরূপিণী |
ধারাধরস্থা ধন্যা চ ধর্মপুঞ্জনিবাসিনী || ১০১||
ধনাঢ্যপ্রিয়কন্যা চ ধন্যলোকৈশ্চ সেবিতা |
ধর্মার্থকামমোক্ষাঙ্গী ধর্মার্থকামমোক্ষদা || ১০২||
ধরাধরা ধুরোণা চ ধবলা ধবলামুখী |
ধরা চ ধামরূপা চ ধ্রুবা ধ্রৌব্যা ধ্রুবপ্রিয়া || ১০৩||
ধনেশী ধারণাখ্যা চ ধর্মনিন্দাবিনাশিনী |
ধর্মতেজোময়ী ধর্ম্ম্যা ধৈর্যাগ্রভর্গমোহিনী || ১০৪||
ধারণা ধৌতবসনা ধত্তূরফলভোগিনী |
নারায়ণী নরেন্দ্রস্থা নারায়ণকলেবরা || ১০৫||
নরনারায়ণপ্রীতা ধর্মনিন্দা নমোহিতা |
নিত্যা নাপিতকন্যা চ নয়নস্থা নরপ্রিয়া || ১০৬||
নাম্নী নামপ্রিয়া নারা নারায়ণসুতা নরা |
নবীননায়কপ্রীতা নব্যা নবফলপ্রিয়া || ১০৭||
নবীনকুসুমপ্রীতা নবীনানাং ধ্বজানুতা |
নারী নিম্বস্থিতানন্দানন্দিনী নন্দকারিকা || ১০৮||
নবপুষ্পমহাপ্রীতা নবপুষ্পসুগন্ধিকা |
নন্দনস্থা নন্দকন্যা নন্দমোক্ষপ্রদায়িনী || ১০৯||
নমিতা নামভেদা চ নাম্নার্ত্তবনমোহিনী |
নববুদ্ধিপ্রিয়ানেকা নাকস্থা নামকন্যকা || ১১০||
নিন্দাহীনা নবোল্লাসা নাকস্থানপ্রদায়িনী |
নিম্ববৃক্ষস্থিতা নিম্বা নানাবৃক্ষনিবাসিনী || ১১১||
নাশ্যাতীতা নীলবর্ণা নীলবর্ণা সরস্বতী |
নভঃস্থা নায়কপ্রীতা নায়কপ্রিয়কামিনী || ১১২||
নৈববর্ণা নিরাহারা নিবীহাণাং রজঃপ্রিয়া |
নিম্ননাভিপ্রিয়াকারা নরেন্দ্রহস্তপূজিতা || ১১৩||
নলস্থিতা নলপ্রীতা নলরাজকুমারিকা |
পরেশ্বরী পরানন্দা পরাপরবিভেদিকা || ১১৪||
পরমা পরচক্রস্থা পার্বতী পর্বতপ্রিয়া |
পারমেশী পর্বনানা পুষ্পমাল্যপ্রিয়া পরা || ১১৫||
পরা প্রিয়া প্রীতিদাত্রী প্রীতিঃ প্রথমকামিনী |
প্রথমা প্রথমা প্রীতা পুষ্পগন্ধপ্রিয়া পরা || ১১৬||
পৌষ্যী পানরতা পীনা পীনস্তনসুশোভনা |
পরমানরতা পুংসাং পাশহস্তা পশুপ্রিয়া || ১১৭||
পললানন্দরসিকা পলালধূমরূপিণী |
পলাশপুষ্পসঙ্কাশা পলাশপুষ্পমালিনী || ১১৮||
প্রেমভূতা পদ্মমুখী পদ্মরাগসুমালিনী |
পদ্মমালা পাপহরা পতিপ্রেমবিলাসিনী || ১১৯||
পঞ্চাননমনোহারী পঞ্চবক্ত্রপ্রকাশিনী |
ফলমূলাশনা ফালী ফলদা ফাল্গুনপ্রিয়া || ১২০||
ফলনাথপ্রিয়া ফল্লী ফল্গুকন্যা ফলোন্মুখী |
ফেৎকারীতন্ত্রমুখ্যা চ ফেৎকারগণপূজিতা || ১২১||
ফেরবী ফেরবসুতা ফলভোগোদ্ভবা ফলা |
ফলপ্রিয়া ফলাশক্তা ফাল্গুনানন্দদায়িনী || ১২২||
ফালভোগোত্তরা ফেলা ফুলাম্ভোজনিবাসিনী |
বসুদেবগৃহস্থা চ বাসবী বীরপূজিতা || ১২৩||
বিষভক্ষা বুধসুতা ব্লুঙ্কারী ব্লূবরপ্রদা |
ব্রাহ্মী বৃহস্পতিসুতা বাচস্পতিবরপ্রদা || ১২৪||
বেদাচারা বেদ্যপরা ব্যাসবক্ত্রস্থিতা বিভা |
বোধজ্ঞা বৌষডাখ্যা চ বংশীবংদনপূজিতা || ১২৫||
বজ্রকান্তা বজ্রগতির্বদরীবংশবিবদ্ধীনী |
ভারতী ভবরশ্রীদা ভবপত্নী ভবাত্মজা || ১২৬||
ভবানী ভাবিনী ভীমা ভিষগ্ভার্যা তুরিস্থিতা |
ভূর্ভুবঃস্বঃস্বরূপা চ ভৃশার্ত্তা ভেকনাদিনী || ১২৭||
ভৌতী ভঙ্গপ্রিয়া ভঙ্গভঙ্গহা ভঙ্গহারিণী |
ভর্তা ভগবতী ভাগ্যা ভগীরথনমস্কৃতা || ১২৮||
ভগমালা ভূতনাথেশ্বরী ভার্গবপূজিতা |
ভৃগুবংশা ভীতিহরা ভূমির্ভুজগহারিণী || ১২৯||
ভালচন্দ্রাভভল্ববালা ভবভূতিবীভূতিদা |
মকরস্থা মত্তগতির্মদমত্তা মদপ্রিয়া || ১৩০||
মদিরাষ্টাদশভুজা মদিরা মত্তগামিনী |
মদিরাসিদ্ধিদা মধ্যা মদান্তর্গতিসিদ্ধিদা || ১৩১||
মীনভক্ষা মীনরূপা মুদ্রামুদ্গপ্রিয়া গতিঃ |
মুষলা মুক্তিদা মূর্ত্তা মূকীকরণতৎপরা || ১৩২||
মৃষার্ত্তা মৃগতৃষ্ণা চ মেষভক্ষণতৎপরা |
মৈথুনানন্দসিদ্ধিশ্চ মৈথুনানলসিদ্ধিদা || ১৩৩||
মহালক্ষ্মীর্ভৈরবী চ মহেন্দ্রপীঠনায়িকা |
মনঃস্থা মাধবীমুখ্যা মহাদেবমনোরমা || ১৩৪||
যশোদা যাচনা যাস্যা যমরাজপ্রিয়া যমা |
যশোরাশিবিভূষাঙ্গী যতিপ্রেমকলাবতী || ১৩৫||
রমণী রামপত্নী চ রিপুহা রীতিমধ্যগা |
রুদ্রাণী রূপদা রূপা রূপসুন্দরধারিণী || ১৩৬||
রেতঃস্থা রেতসঃ প্রীতা রেতঃস্থাননিবাসিনী |
রেন্দ্রাদেবসুতারেদা রিপুবর্গান্তকপ্রিয়া || ১৩৭||
রোমাবলীন্দ্রজননী রোমকূপজগৎপতিঃ |
রৌপ্যবর্ণা রৌদ্রবর্ণা রৌপ্যালঙ্কারভূষণা || ১৩৮||
রঙ্গিণা রঙ্গরাগস্থা রণবহ্নিকুলেশ্বরী |
লক্ষ্মীঃ লাঙ্গলহস্তা চ লাঙ্গলী কুলকামিনী || ১৩৯||
লিপিরূপা লীঢপাদা লতাতন্তুস্বরূপিণী |
লিম্পতী লেলিহা লোলা লোমশপ্রিয়সিদ্ধিদা || ১৪০||
লৌকিকী লৌকিকীসিদ্ধির্লঙ্কানাথকুমারিকা |
লক্ষ্মণা লক্ষ্মীহীনা চ লপ্রিয়া লার্ণমধ্যগা || ১৪১||
বিবসা বসনাবেশা বিবস্যকুলকন্যকা |
বাতস্থা বাতরূপা চ বেলমধ্যনিবাসিনী || ১৪২||
শ্মশানভূমিমধ্যস্থা শ্মশানসাধনপ্রিয়া |
শবস্থা পরসিদ্ধ্যর্থী শববক্ষসি শোভিতা || ১৪৩||
শরণাগতপাল্যা চ শিবকন্যা শিবপ্রিয়া |
ষট্চক্রভেদিনী ষোঢা ন্যাসজালদৃঢাননা || ১৪৪||
সন্ধ্যাসরস্বতী সুন্দ্যা সূর্যগা শারদা সতী |
হরিপ্রিয়া হরহালালাবণ্যস্থা ক্ষমা ক্ষুধা || ১৪৫||
ক্ষেত্রজ্ঞা সিদ্ধিদাত্রী চ অম্বিকা চাপরাজিতা |
আদ্যা ইন্দ্রপ্রিয়া ঈশা উমা ঊঢা ঋতুপ্রিয়া || ১৪৬||
সুতুণ্ডা স্বরবীজান্তা হরিবেশাদিসিদ্ধিদা |
একাদশীব্রতস্থা চ এন্দ্রী ওষধিসিদ্ধিদা || ১৪৭||
ঔপকারী অংশরূপা অস্ত্রবীজপ্রকাশিনী |
ইত্যেতৎ কামুকীনাথ কুমারীণাং সুমঙ্গলম্ || ১৪৮||
ত্রৈলোক্যফলদং নিত্যমষ্টোত্তরসহস্রকম্ |
মহাস্তোত্রং ধর্মসারং ধনধান্যসুতপ্রদম্ || ১৪৯||
সর্ববিদ্যাফলোল্লাসং ভক্তিমান্ যঃ পঠেৎ সুধীঃ |
স সর্বদা দিবারাত্রৌ স ভবেন্মুক্তিমার্গগঃ || ১৫০||
সর্বত্র জয়মাপ্নোতি বীরাণাং বল্লভো লভেৎ |
সর্বে দেবা বশং যান্তি বশীভূতাশ্চ মানবাঃ || ১৫১||
ব্রহ্মাণ্ডে যে চ শংসন্তি তে তুষ্টা নাত্র সংশয়ঃ |
যে বশন্তি চ ভূর্লোকে দেবতুল্যপরাক্রমাঃ || ১৫২||
তে সর্বে ভৃত্যতুল্যাশ্চ সত্যং সত্যং কুলেশ্বর |
অকস্মাৎ সিদ্ধিমাপ্নোতি হোমেন যজনেন চ || ১৫৩||
জাপ্যেন কবচাদ্যেন মহাস্তোত্রার্থপাঠতঃ |
বিনা যজ্ঞৈবীনা দানৈবীনা জাপ্যৈর্লভেৎ ফলম্ || ১৫৪||
যঃ পঠেৎ স্তোত্রকং নাম চাষ্টোত্তরসহস্রকম্ |
তস্য শান্তির্ভবেৎ ক্ষিপ্রং কন্যাস্তোত্রং পঠেত্ততঃ || ১৫৫||
বারত্রয়ং প্রপাঠেন রাজানং বশমানয়েৎ |
বারৈকপঠিতো মন্ত্রী ধর্মার্থকামমোক্ষভাক্ || ১৫৬||
ত্রিদিনং প্রপঠেদ্বিদ্বান্ যদি পুত্রং সমিচ্ছতি |
বারত্রয়ক্রমেণৈব বারৈকক্রমতোঽপি বা || ১৫৭||
পঠিত্ত্বা ধনরত্নানামধিপঃ সর্ববিত্তগঃ |
ত্রিজগন্মোহয়েন্মন্ত্রী বৎসরার্দ্ধং প্রপাঠতঃ || ১৫৮||
বৎসরং বাপ্য যদি বা ভক্তিভাবেন যঃ পঠেৎ |
চিরজীবী খেচরত্ত্বং প্রাপ্য যোগী ভবেন্নরঃ || ১৫৯||
মহাদূরস্থিতং বর্ণং পশ্যতি স্থিরমানসঃ |
মহিলামণ্ডলে স্থিত্ত্বা শক্তিয়ুক্তঃ পঠেৎ সুধীঃ || ১৬০||
স ভবেৎসাধকশ্রেষ্ঠঃ ক্ষীরী কল্পদ্রুমো ভবেৎ |
সর্বদা যঃ পঠেন্নাথ ভাবোদ্গতকলেবরঃ || ১৬১||
দর্শনাৎ স্তম্ভনং কর্ত্তুং ক্ষমো ভবতি সাধকঃ |
জলাদিস্তম্ভনে শক্তো বহ্নিস্তম্ভাদিসিদ্ধিভাক্ || ১৬২||
বায়ুবেগী মহাবাগ্মী বেদজ্ঞো ভবতি ধ্রুবম্ |
কবিনাথো মহাবিদ্যো বন্ধকঃ পণ্ডিতো ভবেৎ || ১৬৩||
সর্বদেশাধিপো ভূত্ত্বা দেবীপুত্রঃ স্বয়ং ভবেৎ |
কান্তিং শ্রিয়ং যশো বৃদ্ধিং প্রাপ্নোতি বলবান্ যতিঃ || ১৬৪||
অষ্টসিদ্ধিয়ুতো নাথ যঃ পঠেদর্থসিদ্ধয়ে |
উজ্জটেঽরণ্যমধ্যে চ পর্বতে ঘোরকাননে || ১৬৫||
বনে বা প্রেতভূমৌ চ শবোপরি মহারণে |
গ্রামে ভগ্নগৃহে বাপি শূন্যাগারে নদীতটে || ১৬৬||
গঙ্গাগর্ভে মহাপীঠে যোনিপীঠে গুরোর্গৃহে |
ধান্যক্ষেত্রে দেবগৃহে কন্যাগারে কুলালয়ে || ১৬৭||
প্রান্তরে গোষ্ঠমধ্যে বা রাজাদিভয়হীনকে |
নির্ভয়াদিস্বদেশেষু শিলিঙ্গালয়েঽথবা || ১৬৮||
ভূতগর্ত্তে চৈকলিঙ্গৈ বা শূন্যদেশে নিরাকুলে |
অশ্বত্থমূলে বিল্বে বা কুলবৃক্ষসমীপগে || ১৬৯||
অন্যেষু সিদ্ধদেশেষু কুলরূপাশ্চ সাধকঃ |
দিব্যে বা বীরভাবস্থো যষ্ট্বা কন্যাং কুলাকুলৈ || ১৭০||
কুলদ্রব্যৈশ্চ বিবিধৈঃ সিদ্ধিদ্রব্যৈশ্চ সাধকঃ |
মাংসাসবেন জুহুয়ান্মুক্তেন রসেন চ || ১৭১||
হুতশেষং কুলদ্রব্যং তাভ্যো দদ্যাৎ সুসিদ্ধয়ে |
তাসামুচ্ছিষ্টমানীয় জুহুয়াদ্ রক্তপঙ্কজে || ১৭২||
ঘৃণালজ্জাবিনির্মুক্তঃ সাধকঃ স্থিরমানসঃ |
পিবেন্মাংসরসং মন্ত্রী সদানন্দো মহাবলী || ১৭৩||
মহামাংসাষ্টকং তাভ্যো মদিরাকুম্ভপূরিতম্ |
তারো মায়া রমাবহ্নিজায়ামন্ত্রং পঠেৎ সুধীঃ || ১৭৪||
নিবেদ্য বিধিনানেন পঠিত্ত্বা স্তোত্রমঙ্গলম্ |
স্বয়ং প্রসাদং ভুক্ত্বা হি সর্ববিদ্যাধিপো ভবেৎ || ১৭৫||
শূকরস্যোষ্ট্র্মাংসেন পীনমীনেন মুদ্রয়া |
মহাসবঘটেনাপি দত্ত্বা পঠতি যো নরঃ || ১৭৬||
ধ্রুবং স সর্বগামী স্যাদ্ বিনা হোমেন পূজয়া |
রুদ্ররূপো ভবেন্নিত্যং মহাকালাত্মকো ভবেৎ || ১৭৭||
সর্বপুণ্যফলং নাথ ক্ষণাৎ প্রাপ্নোতি সাধকঃ |
ক্ষীরাব্ধিরত্নকোষেশো বিয়দ্ব্যাপী চ যোগিরাট্ || ১৭৮||
ভক্ত্যাহ্লাদং দয়াসিন্ধুং নিষ্কামত্ত্বং লভেদ্ ধ্রুবম্ |
মহাশত্রুপাতনে চ মহাশত্রুভয়াদ্দীতে || ১৭৯||
বারৈকপাঠমাত্রেণ শত্রূণাং বধমানয়েৎ |
সমর্দয়েৎ শত্রূন্ ক্ষিপ্রমন্ধকারং যথা রবিঃ || ১৮০||
উচ্চাটনে মারণে চ ভয়ে ঘোরতরে রিপৌ |
পঠনাদ্ধারণান্মর্ত্ত্যো দেবা বা রাক্ষসাদয়ঃ || ১৮১||
প্রাপ্নুবন্তি ঝটিৎ শান্তিং কুমারীনামপাঠতঃ |
পুরুষো দক্ষিণে বাহৌ নারী বামকরে তথা || ১৮২||
ধৃৎবা পুত্রাদিসম্পত্তিং লভতে নাত্র সংশয়ঃ || ১৮৩||
মমাজ্ঞয়া মোক্ষমুপৈতি সাধকো
গজান্তকং নাথ সহস্রনাম চ |
পঠেন্মনুষ্যো যহি ভক্তিভাবত-
স্তদা হি সর্বত্র ফলোদয়ং লভেৎ চ || ১৮৪||
মোক্ষং সৎফলভোগিনাং স্তববরং সারং পরানন্দদং
যে নিত্যং হি মুদা পঠন্তি বিফলং সার্থঞ্চ চিন্তাকুলাঃ
তে নিত্যাঃ প্রভবন্তি কীতীকমলে শ্রীরামতুল্যো জয়ে
কন্দর্পায়ুততুল্যরূপগুণিনঃ ক্রোধে চ রুদ্রোপমাঃ || ১৮৫||
|| ইতি শ্রীরুদ্রয়ামলে উত্তরতন্ত্রে মহাতন্ত্রোদ্দীপনে
কুমার্যুপচর্যাবিন্যাসে
সিদ্ধমন্ত্র-প্রকরণে দিব্যভাবনির্ণয়ে
অষ্টোত্তরসহস্রনামমঙ্গলোল্লাসে
দশমপটলে শ্রীকুমারীসহস্রনামস্তোত্রম্ সম্পূর্ণম্ ||