Shri Durga Nakshatra Malika Stuti
শ্রীদুর্গা নক্ষত্রমালিকা স্তুতিঃ
Shri Durga Nakshatra Malika Stuti
শ্রীদুর্গা নক্ষত্রমালিকা স্তুতিঃ
|| শ্রীদুর্গা নক্ষত্রমালিকা স্তুতিঃ ||
|| অথ শ্রীদুর্গা নক্ষত্রমালিকা স্তুতিঃ ||
|| ওঁ শ্রী গণেশায় নমঃ ||
বিরাটনগরং রম্যং গচ্ছমানো যুধিষ্ঠিরঃ |
অস্তুবন্ মনসা দেবীং দুর্গাং ত্রিভুবনেশ্বরীম্ || ১||
যশোদাগর্ভসংভূতাং নারায়ণবরপ্রিয়াম্ |
নন্দগোপকুলেজাতাং মংগল়্যাং কুলবর্ধনীম্ || ২||
কংসবিদ্রাবণকরীং অসুরাণাং ক্ষয়ং করীম্ |
শিলাতটবিনিক্ষিপ্তাং আকাশং প্রতিগামিনীম্ || ৩||
বাসুদেবস্য ভগিনীং দিব্যমাল্য বিভূষিতাম্ |
দিব্যাংবরধরাং দেবীং খদ্গখেটকধারিণীম্ || ৪||
ভারাবতরণে পুণ্যে যে স্মরন্তি সদাশিবাম্ |
তান্বৈ তারয়সে পাপাৎ পংকেগামিব দুর্বলাম্ || ৫||
স্তোতুং প্রচক্রমে ভূয়ঃ বিবিধৈঃ স্তোত্রসংভবৈঃ |
আমন্ত্র্য দর্শনাকাঙ্ক্ষী রাজা দেবীং সহানুজঃ || ৬||
নমোঽস্তু বরদে কৃষ্ণে কুমারি ব্রম্হচারিণি |
বালার্ক সদৃশাকারে পূর্ণচন্দ্রনিভাননে || ৭||
চতুর্ভুজে চতুর্বক্ত্রে পীনশ্রোণিপয়োধরে |
ময়ূরপিংছবলয়ে কেয়ূরাংগদধারিণি || ৮||
ভাসি দেবি যদা পদ্মা নারায়ণপরিগ্রহঃ |
স্বরূপং ব্রহ্মচর্যং চ বিশদং তব খেচরি || ৯||
কৃষ্ণচ্ছবিসমা কৃষ্ণা সংকর্ষণসমাননা |
বিভ্রতী বিপুলৌ বাহু শক্রধ্বজসমুছ্রয়ৌ || ১০||
পাত্রী চ পংকজী কংঠী স্ত্রী বিশুদ্ধা চ যা ভুবি |
পাশং ধনুর্মহাচক্রং বিবিধান্যায়ুধানি চ || ১১||
কুংডলাভ্যাং সুপূর্ণাভ্যাং কর্ণাভ্যাং চ বিভূষিতা |
চন্দ্রবিস্পার্ধিনা দেবি মুকেন ৎবং বিরাজসে || ১২||
মুকুটেন বিচিত্রেণ কেশবন্ধেন শোভিনা |
ভুজংগাঽভোগবাসেন শ্রোণিসূত্রেণ রাজতা || ১৩||
বিভ্রাজসে চ বদ্ধেন ভোগেনেবেহ মন্থরঃ |
ধ্বজেন শিখিপিংছানাং উছ্রিতেন বিরাজসে || ১৪||
কৌমারং ব্রতমাস্থায় ত্রিদিবং পাবিতং ৎবয়া |
তেন ৎবং স্তূয়সে দেবি ত্রিদশৈঃ পূজ্যসেঽপি চ || ১৫||
ত্রৈলোক্য রক্ষণার্থায় মহিষাসুর ঘাতিনি |
প্রসন্না মে সুরশ্রেষ্ঠে দয়াং কুরু শিবা ভব || ১৬||
জয়া ৎবং বিজয়া চৈব সংগ্রামে চ জয়প্রদা |
মমাপি বিজয়ং দেহি বরদা ৎবং চ সাংপ্রতম্ || ১৭||
বিন্ধ্যে চৈব নগশ্রেষ্টে তবস্থানং হি শাশ্বতম্ |
কালি কালি মহাকালি শীধুমাংস পশুপ্রিয়ে || ১৮||
কৃতানুয়াত্রা ভূতৈস্ত্বং বরদা কামচারিণি |
ভারাবতারে যে চ ৎবাং সংস্মরিষ্যন্তি মানবাঃ || ১৯||
প্রণমন্তি চ যে ৎবাং হি প্রয়াণে তু নরা ভুবি |
ন তেষাং দুর্লভং কিংচিৎ পুত্রতো ধনতোঽপি বা || ২০||
দুর্গাত্তারয়সে দুর্গে তৎবং দুর্গা স্মৃতা জনৈঃ |
কান্তারেষ্ব-বসন্নানাং মগ্নানাং চ মহার্ণবে || ২১||
(দস্যুভির্বা নিরুদ্ধানাং ৎবং গতিঃ পরমা নৃণাম্.)
জলপ্রতরণে চৈব কান্তারেষু অবটেষু চ |
যে স্মরন্তি মহাদেবীং ন চ সীদন্তি তে নরাঃ || ২২||
ৎবং কীর্তিঃ শ্রীঃ ধৃতিঃ সিদ্ধিঃ হ্রীঃ বিদ্যা সন্ততির্মতিঃ |
সন্ধ্যা রাত্রিঃ প্রভা নিদ্রা জ্যোৎস্না কান্তিঃ ক্ষমা দয়া || ২৩||
নৃণাং চ বন্ধনং মোহং পুত্রনাশং ধনক্ষয়ম্ |
ব্যাধিং মৃত্যুং ভয়ং চৈব পূজিতা নাশয়িষ্যসি || ২৪||
সোহং রাজ্যাৎপরিভ্রষ্টঃ শরণং ৎবাং প্রপন্নবান্ |
প্রণতশ্চ যথা মূর্ধ্না তব দেবি সুরেশ্বরি || ২৫||
ত্রাহি মাং পদ্মপত্রাক্ষি সত্যে সত্যা ভবস্ব নঃ |
শরণং ভব মে দুর্গে শরণ্যে ভক্তবৎসলে || ২৬||
এবং স্তুতা হি সা দেবী দর্শয়ামাস পাণ্ডবম্ |
উপগম্য তু রাজানং ইদং বচনং অব্রবীৎ || ২৭||
শৃণু রাজন্ মহাবাহো মদীয়ং বচনং প্রভো |
ভবিষ্যতি অচিরাদেব সংগ্রামে বিজয়স্তব || ২৮||
মম প্রসাদাৎ নির্জিত্য হৎবা কৌরব বাহিনীম্ |
রাজ্যং নিষ্কণ্টকং কৃৎবা ভোক্ষ্যসে মেদিনীং পুনঃ || ২৯||
ভ্রাতৃভিঃ সহিতো রাজন্ প্রীতিং যাস্যসি পুষ্কলাম্ |
মৎপ্রসাদাচ্চ তে সৌখ্যং আরোগ্যং চ ভবিষ্যতি || ৩০||
যে চ সংকীর্তয়িষ্যন্তি লোকে বিগতকল্মষাঃ |
তেষাং তুষ্টা প্রদাস্যামি রাজ্যং আয়ুঃ বপুঃ সুতম্ || ৩১||
প্রবাসে নগরে বাপি সংগ্রামে শতৃসংকটে |
অটব্যাং দুর্গকান্তারে সাগরে গহনে গিরৌ || ৩২||
যে স্মরিষ্যন্তি মাং রাজন্ যথাহং ভবতা স্মৃতা |
ন তেষাং দুর্লভং কিংচিৎ অস্মিন্ লোকে ভবিষ্যতি || ৩৩||
ইদং স্তোত্রবরং ভক্ত্যা শৃণুয়াৎ বা ফঠেত বা |
তস্য সর্বাণি কার্যাণি সিধ্ধিং যাস্যন্তি পাণ্ডবাঃ || ৩৪||
মৎপ্রসাদাচ্চ বস্সর্বান্ বিরাটনগরে স্থিতান্ |
ন প্রজ্ঞাস্যন্তি কুরবঃ নরা বা তন্নিবাসিনঃ || ৩৫||
ইত্যুক্ত্বা বরদা দেবী যুধিষ্ঠিরং অরিন্দমম্ |
রক্ষাং কৃৎবা চ পাণ্ডূনাং তত্রৈবান্তরধীয়ত || ৩৮||
|| ওঁ তৎসৎ||