Nava Durga Stotram Lyrics
নবদুর্গাস্তোত্র
Nava Durga Stotram Lyrics
|| নবদুর্গাস্তোত্র ||
গণেশঃ |
হরিদ্রাভংচতুর্বাদু হারিদ্রবসনংবিভুম্ |
পাশাংকুশধরং দৈবংমোদকংদন্তমেব চ ||
দেবী শৈলপুত্রী |
বন্দে বাঞ্ছিতলাভায় চন্দ্রার্ধকৃতশেখরাং|
বৃষারূঢাং শূলধরাং শৈলপুত্রী যশস্বিনীং ||
দেবী ব্রহ্মচারিণী |
দধানা করপদ্মাভ্যামক্ষমালা কমণ্ডলূ |
দেবী প্রসীদতু ময়ি ব্রহ্মচারিণ্যনুত্তমা ||
দেবী চন্দ্রঘণ্টেতি |
পিণ্ডজপ্রবরারূঢা চন্দকোপাস্ত্রকৈর্যুতা |
প্রসাদং তনুতে মহ্যং চন্দ্রঘণ্টেতি বিশ্রুতা ||
দেবী কূষ্মাংডা |
সুরাসম্পূর্ণকলশং রুধিরাপ্লুতমেব চ |
দধানা হস্তপদ্মাভ্যাং কূষ্মাণ্ডা শুভদাস্তু মে ||
দেবীস্কন্দমাতা |
সিংহাসনগতা নিত্যং পদ্মাশ্রিতকরদ্বয়া |
শুভদাস্তু সদা দেবী স্কন্দমাতা যশস্বিনী ||
দেবীকাত্যায়ণী |
চন্দ্রহাসোজ্জ্বলকরা শার্দূলবরবাহনা |
কাত্যায়নী শুভং দদ্যাদেবী দানবঘাতিনী ||
দেবীকালরাত্রি |
একবেণী জপাকর্ণপূর নগ্না খরাস্থিতা |
লম্বোষ্ঠী কর্ণিকাকর্ণী তৈলাভ্যক্তশরীরিণী ||
বামপাদোল্লসল্লোহলতাকণ্টকভূষণা |
বর্ধনমূর্ধ্বজা কৃষ্ণা কালরাত্রির্ভয়ঙ্করী ||
দেবীমহাগৌরী |
শ্বেতে বৃষে সমারূঢা শ্বেতাম্বরধরা শুচিঃ |
মহাগৌরী শুভং দদ্যান্মহাদেবপ্রমোদদা ||
দেবীসিদ্ধিদাত্রি |
সিদ্ধগন্ধর্বয়ক্ষাদ্যৈরসুরৈরমরৈরপি |
সেব্যমানা সদা ভূয়াৎ সিদ্ধিদা সিদ্ধিদায়িনী ||
|| ভগবতীপদ্যপুষ্পাংজলিস্তোত্র এবং মহিষাসুরমর্দিনিস্তোত্রম্ ||
শ্রী ভগবত্যৈ নমঃ ||
ভগবতি ভগবৎপদপঙ্কজং ভ্রমরভূতসুরাসুরসেবিতম্ |
সুজনমানসহংসপরিস্তুতং কমলয়াঽমলয়া নিভৃতং ভজে || ১||
তে উভে অভিবন্দেঽহং বিঘ্নেশকুলদৈবতে |
নরনাগাননস্ত্বেকো নরসিংহ নমোঽস্তুতে || ২||
হরিগুরুপদপদ্মং শুদ্ধপদ্মেঽনুরাগাদ্-
বিগতপরমভাগে সন্নিধায়াদরেণ |
তদনুচরি করোমি প্রীতয়ে ভক্তিভাজাং
ভগবতি পদপদ্মে পদ্যপুষ্পাঞ্জলিং তে || ৩||
কেনৈতে রচিতাঃ কুতো ন নিহিতাঃ শুম্ভাদয়ো দুর্মদাঃ
কেনৈতে তব পালিতা ইতি হি তৎ প্রশ্নে কিমাচক্ষ্মহে |
ব্রহ্মাদ্যা অপি শংকিতাঃ স্ববিষয়ে যস্যাঃ প্রসাদাবধি
প্রীতা সা মহিষাসুরপ্রমথিনী চ্ছিন্দ্যাদবদ্যানি মে || ৪||
পাতু শ্রীস্তু চতুর্ভুজা কিমু চতুর্বাহোর্মহৌজান্ভুজান্
ধত্তেঽষ্টাদশধা হি কারণগুণাঃ কার্যে গুণারম্ভকাঃ |
সত্যং দিক্পতিদন্তিসংখ্যভুজভৃচ্ছম্ভুঃ স্বয়্ম্ভূঃ স্বয়ং
ধামৈকপ্রতিপত্তয়ে কিমথবা পাতুং দশাষ্টৌ দিশঃ || ৫||
প্রীত্যাঽষ্টাদশসংমিতেষু যুগপদ্দ্বীপেষু দাতুং বরান্
ত্রাতুং বা ভয়তো বিভর্ষি ভগবত্যষ্টাদশৈতান্ ভুজান্ |
যদ্বাঽষ্টাদশধা ভুজাংস্তু বিভৃতঃ কালী সরস্বত্যুভে
মীলিৎবৈকমিহানয়োঃ প্রথয়িতুং সা ৎবং রমে রক্ষ মাম্ || ৬||
ছন্দঃ ||
অয়ি গিরিনংদিনি নংদিতমেদিনি বিশ্ববিনোদিনি নংদনুতে
গিরিবরবিংধ্যশিরোধিনিবাসিনি বিষ্ণুবিলাসিনি জিষ্ণুনুতে |
ভগবতি হে শিতিকণ্ঠকুটুংবিনি ভূরিকুটুংবিনি ভূরিকৃতে
জয় জয় হে মহিষাসুরমর্দিনি রম্যকপর্দিনি শৈলসুতে || ১|| || ৭||
সুরবরবর্ষিণি দুর্ধরধর্ষিণি দুর্মুখমর্ষিণি হর্ষরতে
ত্রিভুবনপোষিণি শংকরতোষিণি কিল্বিষমোষিণি ঘোষরতে |
দনুজনিরোষিণি দিতিসুতরোষিণি দুর্মদশোষিণি সিন্ধুসুতে
জয় জয় হে মহিষাসুরমর্দিনি রম্যকপর্দিনি শৈলসুতে || ২|| || ৮||
অয়ি জগদংব মদংব কদংববনপ্রিয়বাসিনি হাসরতে
শিখরিশিরোমণিতুঙ্গহিমালয়শৃংগনিজালয়মধ্যগতে |
মধুমধুরে মধুকৈটভগংজিনি কৈটভভংজিনি রাসরতে
জয় জয় হে মহিষাসুরমর্দিনি রম্যকপর্দিনি শৈলসুতে || ৩|| || ৯||
অয়ি শতখণ্ডবিখণ্ডিতরুণ্ডবিতুণ্ডিতশুণ্ডগজাধিপতে
রিপুগজগণ্ডবিদারণচণ্ডপরাক্রমশুণ্ড মৃগাধিপতে |
নিজভুজদণ্ডনিপাতিতখণ্ডনিপাতিতমণ্ডভটাধিপতে
জয় জয় হে মহিষাসুরমর্দিনি রম্যকপর্দিনি শৈলসুতে || ৪|| || ১০||
অয়ি রণদুর্মদশত্রুবধোদিতদুর্ধরনির্জরশক্তিভৃতে
চতুরবিচারধুরীণমহাশিবদূতকৃতপ্রমথাধিপতে |
দুরিতদুরীহদুরাশয়দুর্মতিদানবদূতকৃতাংতমতে
জয় জয় হে মহিষাসুরমর্দিনি রম্যকপর্দিনি শৈলসুতে || ৫|| || ১১||
অয়ি শরণাগতবৈরিবধূবরবীরবরাভয়দায়করে
ত্রিভুবনমস্তকশূলবিরোধিশিরোধিকৃতামলশূলকরে |
দুমিদুমিতামরদুংদুভিনাদমহোমুখরীকৃততিগ্মকরে
জয় জয় হে মহিষাসুরমর্দিনি রম্যকপর্দিনি শৈলসুতে || ৬|| || ১২||
অয়ি নিজহুঁকৃতিমাত্রনিরাকৃতধূম্রবিলোচনধূম্রশতে
সমরবিশোষিতশোণিতবীজসমুদ্ভবশোণিতবীজলতে |
শিবশিব শুংভনিশুংভমহাহবতর্পিতভূতপিশাচরতে
জয় জয় হে মহিষাসুরমর্দিনি রম্যকপর্দিনি শৈলসুতে || ৭|| || ১৩||
ধনুরনুসংগরণক্ষণসংগপরিস্ফুরদংগনটৎকবকে
কনকপিশংগপৃষৎকনিষংগরসদ্ভটশৃংগহতাবটুকে |
কৃতচতুরঙ্গবলক্ষিতিরঙ্গঘটদ্বহুরঙ্গরটদ্বটুকে
জয় জয় হে মহিষাসুরমর্দিনি রম্যকপর্দিনি শৈলসুতে || ৮|| || ১৪||
সুরললনাততথেয়িতথেয়িতথাভিনয়োত্তরনৃত্যরতে
হাসবিলাসহুলাসময়ি প্রণতার্তজনেঽমিতপ্রেমভরে |
ধিমিকিটধিক্কটধিকটধিমিধ্বনিঘোরমৃদংগনিনাদরতে
জয় জয় হে মহিষাসুরমর্দিনি রম্যকপর্দিনি শৈলসুতে || ৯|| || ১৫||
জয় জয় জপ্যজয়ে জয়শব্দপরস্তুতিতৎপরবিশ্বনুতে
ঝণঝণঝিঞ্জিমিঝিংকৃতনূপুরসিংজিতমোহিতভূতপতে |
নটিতনটার্ধনটীনটনায়কনাটিতনাট্যসুগানরতে
জয় জয় হে মহিষাসুরমর্দিনি রম্যকপর্দিনি শৈলসুতে || ১০|| || ১৬||
অয়ি সুমনঃসুমনঃ সুমনঃ সুমনঃ সুমনোহরকাংতিয়ুতে
শ্রিতরজনীরজনীরজনীরজনীরজনীকরবক্ত্রবৃতে |
সুনয়নবিভ্রমরভ্রমরভ্রমরভ্রমরভ্রমরাধিপতে
জয় জয় হে মহিষাসুরমর্দিনি রম্যকপর্দিনি শৈলসুতে || ১১|| || ১৭||
সহিতমহাহবমল্লমতল্লিকমল্লিতরল্লকমল্লরতে
বিরচিতবল্লিকপল্লিকমল্লিকঝিল্লিকভিল্লিকবর্গবৃতে |
সিতকৃতফুল্লিসমুল্লসিতারুণতল্লজপল্লবসল্ললিতে
জয় জয় হে মহিষাসুরমর্দিনি রম্যকপর্দিনি শৈলসুতে || ১২|| || ১৮||
অবিরলগণ্ডগলন্মদমেদুরমত্তমতঙ্গজরাজপতে
ত্রিভুবনভূষণভূতকলানিধিরূপপয়োনিধিরাজসুতে |
অয়ি সুদতী জনলালসমানসমোহনমন্মথরাজসুতে
জয় জয় হে মহিষাসুরমর্দিনি রম্যকপর্দিনি শৈলসুতে || ১৩|| || ১৯||
কমলদলামলকোমলকাংতিকলাকলিতামলভাললতে
সকলবিলাসকলানিলয়ক্রমকেলিচলৎকলহংসকুলে |
অলিকুলসঙ্কুলকুবলয়মণ্ডলমৌলিমিলদ্ভকুলালিকুলে
জয় জয় হে মহিষাসুরমর্দিনি রম্যকপর্দিনি শৈলসুতে || ১৪|| || ২০||
করমুরলীরববীজিতকূজিতলজ্জিতকোকিলমঞ্জুমতে
মিলিতপুলিন্দমনোহরগুঞ্জিতরন্জিতশৈলনিকুঞ্জনিকুঞ্জগতে |
নিজগুণভূতমহাশবরীগণসদ্গুণসংভৃতকেলিতলে
জয় জয় হে মহিষাসুরমর্দিনি রম্যকপর্দিনি শৈলসুতে || ১৫|| || ২১||
কটিতটপীতদুকূলবিচিত্রময়ূখতিরস্কৃতচংদ্ররুচে
প্রণতসুরাসুরমৌলিমণিস্ফুরদংশুলসন্নখচংদ্ররুচে |
জিতকনকাচলমৌলিপদোর্জিতনির্ঝরকুংজরকুংভকুচে
জয় জয় হে মহিষাসুরমর্দিনি রম্যকপর্দিনি শৈলসুতে || ১৬|| || ২২||
বিজিতসহস্রকরৈকসহস্রকরৈকসহস্রকরৈকনুতে
কৃতসুরতারকসঙ্গরতারকসঙ্গরতারকসূনুসুতে |
সুরথসমাধিসমানসমাধিসমাধিসমাধিসুজাতরতে
জয় জয় হে মহিষাসুরমর্দিনি রম্যকপর্দিনি শৈলসুতে || ১৭|| || ২৩||
পদকমলং করুণানিলয়ে বরিবস্যতি যোঽনুদিনং স শিবে
অয়ি কমলে কমলানিলয়ে কমলানিলয়ঃ স কথং ন ভবেৎ |
তব পদমেব পরংপদমেবমনুশীলয়তো মম কিং ন শিবে
জয় জয় হে মহিষাসুরমর্দিনি রম্যকপর্দিনি শৈলসুতে || ১৮|| || ২৪||
কনকলসৎকলসিন্ধুজলৈরনুসিঞ্চিনুতে গুণ রঙ্গভুবং
ভজতি স কিং ন শচীকুচকুংভতটীপরিরংভসুখানুভবম্ |
তব চরণং শরণং করবাণি নতামরবাণিনিবাসি শিবং
জয় জয় হে মহিষাসুরমর্দিনি রম্যকপর্দিনি শৈলসুতে || ১৯|| || ২৫||
তব বিমলেন্দুকুলং বদনেন্দুমলং সকলং ননু কূলয়তে
কিমু পুরুহূতপুরীন্দুমুখীসুমুখীভিরসৌ বিমুখীক্রিয়তে |
মম তু মতং শিবনামধনে ভবতী কৃপয়া কিমুত ক্রিয়তে
জয় জয় হে মহিষাসুরমর্দিনি রম্যকপর্দিনি শৈলসুতে || ২০|| || ২৬||
অয়ি ময়ি দীনদয়ালুতয়া কৃপয়ৈব ৎবয়া ভবিতব্যমুমে
অয়ি জগতো জননী কৃপয়াসি যথাসি তথাঽনুমিতাসি রতে |
যদুচিতমত্র ভবত্যুররিকুরুতাদুরুতাপমপাকুরুতে
জয় জয় হে মহিষাসুরমর্দিনি রম্যকপর্দিনি শৈলসুতে || ২১|| || ২৭||
স্তুতিমিতস্তিমিতঃ সুসমাধিনা নিয়মতোঽযমতোঽনুদিনং পঠেৎ |
পরময়া রময়াপি নিষেব্যতে পরিজনোঽরিজনোঽপি চ তং ভজেৎ || ২৮||
রময়তি কিল কর্ষস্তেষু চিত্তং নরাণামবরজবরয়স্মাদ্রামকৃষ্ণঃ কবীনাম্ |
অকৃত সুকৃতিগম্যং রম্যপদ্যৈকহর্ম্যং স্তবনমবনহেতুং প্রীতয়ে বিশ্বমাতুঃ || ২৯||
ইন্দুরম্যো মুহুর্বিন্দুরম্যো মুহুর্বিন্দুরম্যো যতঃ সাঽনবদ্যং স্মৃতঃ |
শ্রীপতেঃ সূনূনা কারিতো যোঽধুনা বিশ্বমাতুঃ পদে পদ্যপুষ্পাঞ্জলিঃ || ৩০||
ইতি শ্রীভগবতীপদ্যপুষ্পাঞ্জলিস্তোত্রম্ সংপূর্ণম্||