Kumarikavacham Rudrayamala Uttaratantra Antargatam
কুমারীকবচং রুদ্রয়ামলোত্তরতন্ত্রান্তর্গতম্
Kumarikavacham Rudrayamala Uttaratantra Antargatam
কুমারীকবচং রুদ্রয়ামলোত্তরতন্ত্রান্তর্গতম্
|| কুমারীকবচং রুদ্রয়ামলোত্তরতন্ত্রান্তর্গতম্ ||
আনন্দভৈরব উবাচ —
অথাতঃ সম্প্রবক্ষ্যামি কুমারীকবচং শুভম্ |
ত্রৈলোক্যং মঙ্গলং নাম মহাপাতকনাশকম্ || ১||
পঠনাদ্ধারণাল্লোকা মহাসিদ্ধাঃ প্রভাকরাঃ |
শক্রো দেবাধিপঃ শ্রীমান্ দেবগুরুর্বৃহস্পতিঃ || ২||
মহাতেজোময়ো বহ্নির্ধর্মরাজো ভয়ানকঃ |
বরুণো দেবপূজ্যো হি জলানামধিপঃ স্বয়ম্ || ৩||
সর্বহর্ত্তা মহাবায়ুঃ কুবেরঃ কুঞ্জরেশ্বরঃ |
ধরাধিপঃ প্রিয়ঃ শম্ভোঃ সর্বে দেবা দিগীশ্বরঃ || ৪||
ন মেরুঃ প্রভুরেকায়াঃ সর্বেশো নির্মলো দ্বয়োঃ |
এতৎকবচপাঠেন সর্বে ভূপা ধনাধিপাঃ || ৫||
ত্রৈলোক্যমঙ্গলকুমারীকবচম্ —
প্রণবো মে শিরঃ পাতু মায়া সন্দায়িকা সতী |
ললাটোদ্র্ধ্বং মহামায়া পাতু মে শ্রীসরস্বতী || ৬||
কামাক্ষা বটুকেশানী ত্রিমূত্তির্ভালমেব মে |
চামুণ্ডা বীজরূপা চ বদনং কালিকা মম || ৭||
পাতু মাং সূর্যগা নিত্যং তথা নেত্রদ্বয়ং মম |
কর্ণয়ুগ্মং কামবীজং স্বরূপোমাতপস্বিনী || ৮||
রসনাগ্রং তথা পাতু বাগ্দেবী মালিনী মম |
ডামরস্থা কামরূপা দন্তাগ্রং কুঞ্জিকা মম || ৯||
দেবী প্রণবরূপাঽসৌ পাতু নিত্যং শিবা মম |
ওষ্ঠাধরং শক্তিবীজাত্মিকা স্বাহাস্বরূপিণী || ১০||
পায়ান্মে কালসন্দষ্টা পঞ্চবায়ুস্বরূপিণী |
গলদেশং মহারৌদ্রী পাতু মে চাপরাজিতা || ১১||
ক্ষৌং বীজং মে তথা কণ্ঠং রুদ্রাণী স্বাহয়ান্বিতা |
হৃদয়ং ভৈরবী বিদ্যা পাতু ষোডশ সুস্বরা || ১২||
দ্বৌ বাহূ পাতু সর্বত্র মহালক্ষ্মীঃ প্রধানিকা |
সর্বমন্ত্রস্বরূপং মে চোদরং পীঠনায়িকা || ১৩||
পার্শ্বয়ুগ্মং তথা পাতু কুমারী বাগ্ভবাত্মিকা |
কৈশোরী কটিদেশং মে মায়াবীজস্বরূপিণী || ১৪||
জঙ্ঘায়ুগ্মং জয়ন্তী মে যোগিনী কুল্লুকায়ুতা |
সর্বাঙ্গমম্বিকাদেবী পাতু মন্ত্রার্থগামিনী || ১৫||
কেশাগ্রং কমলাদেবী নাসাগ্রং বিন্ধ্যবাসিনী |
চিবুকং চণ্ডিকা দেবী কুমারী পাতু মে সদা || ১৬||
হৃদয়ং ললিতা দেবী পৃষ্ঠং পর্বতবাসিনী |
ত্রিশক্তিঃ ষোডশী দেবী লিঙ্গং গুহ্যং সদাবতু || ১৭||
শ্মশানে চাম্বিকা দেবী গঙ্গাগর্ভে চ বৈষ্ণবী |
শূন্যাগারে পঞ্চমুদ্রা মন্ত্রয়ন্ত্রপ্রকাশিনী || ১৮||
চতুষ্পথে তথা পাতু মামেব বজ্রধারিণী |
শবাসনগতা চণ্ডা মুণ্ডমালাবিভূষিতা || ১৯||
পাতু মানে কলিঙ্গে চ বৈখরী শক্তিরূপিণী |
বনে পাতু মহাবালা মহারণ্যে রণপ্রিয়া || ২০||
মহাজলে তডাগে চ শত্রুমধ্যে সরস্বতী |
মহাকাশপথে পৃথ্বী পাতু মাং শীতলা সদা || ২১||
রণমধ্যে রাজলক্ষ্মীঃ কুমারী কুলকামিনী |
অর্দ্ধনারীশ্বরা পাতু মম পাদতলং মহী || ২২||
নবলক্ষমহাবিদ্যা কুমারী রূপধারিণী |
কোটিসূর্যপ্রতীকাশা চন্দ্রকোটিসুশীতলা || ২৩||
পাতু মাং বরদা বাণী বটুকেশ্বরকামিনী
ইতি তে কথিতং নাথ কবচং পরমাদ্ভুতম্ || ২৪||
কুমার্যাঃ কুলদায়িন্যাঃ পঞ্চতত্ত্বার্থপারগ
যো জপেৎ পঞ্চতত্ত্বেন স্তোত্রেণ কবচেন চ || ২৫||
আকাশগামিনী সিদ্ধির্ভবেত্তস্য ন সংশয়ঃ || ২৬||
বজ্রদেহী ভবেৎ ক্ষিপ্রং কবচস্য প্রপাঠতঃ |
সর্বসিদ্ধীশ্বরো যোগী জ্ঞানী ভবতি যঃ পঠেৎ || ২৭||
বিবাদে ব্যবহারে চ সঙ্গ্রামে কুলমণ্ডলে |
মহাপথে শ্মশানে চ যোগসিদ্ধো ভবেৎ স চ || ২৮||
পঠিৎবা জয়মাপ্নোতি সত্যং সত্যং কুলেশ্বর
বশীকরণকবচং সর্বত্র জয়দং শুভম্ || ২৯||
পুণ্যব্রতী পঠেন্নিত্যং যতিশ্রীমান্ভবেদ্ ধ্রুবম্
সিদ্ধবিদ্যা কুমারী চ দদাতি সিদ্ধিমুত্তমাম্ || ৩০||
পঠেদ্যঃ শৃণুয়াদ্বাপি স ভবেৎকল্পপাদপঃ |
ভক্তিং মুক্তিং তুষ্টিং পুষ্টিং রাজলক্ষ্মীং সুসম্পদাম্ || ৩১||
প্রাপ্নোতি সাধকশ্রেষ্ঠো ধারয়িৎবা জপেদ্যদি |
অসাধ্যং সাধয়েদ্বিদ্বান্ পঠিৎবা কবচং শুভম্ || ৩২||
ধনিনাঞ্চ মহাসৌখ্যধর্ম্মার্থকামমোক্ষদম্ |
যো বশী দিবসে নিত্যং কুমারীং পূজয়েন্নিশি || ৩৩||
উপচারবিশেষেণ ত্রৈলোক্যং বশমানয়েৎ |
পললেনাসবেনাপি মৎস্যেন মুদ্রয়া সহ || ৩৪||
নানাভক্ষ্যেণ ভোজ্যেন গন্ধদ্রব্যেণ সাধকঃ |
মাল্যেন স্বর্ণরজতালঙ্কারেণ সুচৈলকৈঃ || ৩৫||
পূজয়িৎবা জপিৎবা চ তর্পয়িৎবা বরাননাম্ |
যজ্ঞদানতপস্যাভিঃ প্রয়োগেণ মহেশ্বর || ৩৬||
স্তুৎবা কুমারীকবচং যঃ পঠেদেকভাবতঃ |
তস্য সিদ্ধির্ভবেৎ ক্ষিপ্রং রাজরাজেশ্বরো ভবেৎ || ৩৭||
বাঞ্ছার্থফলমাপ্নোতি যদ্যন্মনসি বর্ততে |
ভূর্জপত্রে লিখিৎবা স কবচং ধারয়েদ্ হৃদি || ৩৮||
শনিমঙ্গলবারে চ নবম্যামষ্টমীদিনে |
চতুর্দশ্যাং পৌর্ণমাস্যাং কৃষ্ণপক্ষে বিশেষতঃ || ৩৯||
লিখিৎবা ধারয়েদ্ বিদ্বান্ উত্তরাভিমুখো ভবন্ |
মহাপাতকয়ুক্তো হি মুক্তঃ স্যাৎ সর্বপাতকৈঃ || ৪০||
যোষিদ্বামভুজে ধৃৎবা সর্বকল্যাণমালভেৎ |
বহুপুত্রান্বিতা কান্তা সর্বসম্পত্তিসংযুতা || ৪১||
তথাশ্রীপুরুষশ্রেষ্ঠো দক্ষিণে ধারয়েদ্ ভুজে |
এহিকে দিব্যদেহঃ স্যাৎ পঞ্চাননসমপ্রভঃ || ৪২||
শিবলোকে পরে যাতি বায়ুবেগী নিরাময়ঃ |
সূর্যমণ্ডলমাভেদ্য পরং লোকমবাপ্নুয়াৎ || ৪৩||
লোকানামতিসৌখ্যদং ভয়হরং শ্রীপাদভক্তিপ্রদ |
মোক্ষার্থং কবচং শুভং প্রপঠতামানন্দসিন্ধূদ্ভবম্ |
পার্থানাং কলিকালঘোরকলুষধ্বংসৈকহেতুং জয় |
যে নাম প্রপঠন্তি ধর্মমতুলং মোক্ষং ব্রজন্তি ক্ষণাৎ || ৪৪||
|| ইতি শ্রীরুদ্রয়ামলে উত্তরতন্ত্রে মহাতন্ত্রোদ্দীপনে
কুমার্যুপচর্যাবিন্যাসে সিদ্ধমন্ত্রপ্রকরণে
দিব্যভাবনির্ণয়ে নবমপটলে কুমারীকবচম্ সংপূর্ণম্ ||
|| পটলঃ ৯ ||