Durga Apaduddharashtakam | দুর্গা আপদুদ্ধারাষ্টকম্

Durga Apaduddharashtakam

দুর্গা আপদুদ্ধারাষ্টকম্

Durga Apaduddharashtakam

দুর্গা আপদুদ্ধারাষ্টকম্

.. দুর্গা আপদুদ্ধারাষ্টকম্ ..

নমস্তে শরণ্যে শিবে সানুকম্পে নমস্তে জগদ্ব্যাপিকে বিশ্বরূপে .
নমস্তে জগদ্বন্দ্যপাদারবিন্দে নমস্তে জগত্তারিণি ত্রাহি দুর্গে .. ১..

নমস্তে জগচ্চিন্ত্যমানস্বরূপে নমস্তে মহায়োগিবিজ্ঞানরূপে .
নমস্তে নমস্তে সদানন্দ রূপে নমস্তে জগত্তারিণি ত্রাহি দুর্গে .. ২..

অনাথস্য দীনস্য তৃষ্ণাতুরস্য ভয়ার্তস্য ভীতস্য বদ্ধস্য জন্তোঃ .
ৎবমেকা গতির্দেবি নিস্তারকর্ত্রী নমস্তে জগত্তারিণি ত্রাহি দুর্গে .. ৩..

অরণ্যে রণে দারুণে শুত্রুমধ্যে জলে সঙ্কটে রাজগ্রেহে প্রবাতে .
ৎবমেকা গতির্দেবি নিস্তার হেতুর্নমস্তে জগত্তারিণি ত্রাহি দুর্গে .. ৪..

অপারে মহদুস্তরেঽত্যন্তঘোরে বিপৎ সাগরে মজ্জতাং দেহভাজাম্ .
ৎবমেকা গতির্দেবি নিস্তারনৌকা নমস্তে জগত্তারিণি ত্রাহি দুর্গে .. ৫..

নমশ্চণ্ডিকে চণ্ডোর্দণ্ডলীলাসমুৎখণ্ডিতা খণ্ডলাশেষশত্রোঃ .
ৎবমেকা গতির্বিঘ্নসন্দোহহর্ত্রী নমস্তে জগত্তারিণি ত্রাহি দুর্গে .. ৬..

ৎবমেকা সদারাধিতা সত্যবাদিন্যনেকাখিলা ক্রোধনা ক্রোধনিষ্ঠা .
ইডা পিঙ্গলা ৎবং সুষুম্না চ নাডী নমস্তে জগত্তারিণি ত্রাহি দুর্গে .. ৭..

নমো দেবি দুর্গে শিবে ভীমনাদে সদাসর্বসিদ্ধিপ্রদাতৃস্বরূপে .
বিভূতিঃ সতাং কালরাত্রিস্বরূপে নমস্তে জগত্তারিণি ত্রাহি দুর্গে .. ৮..

শরণমসি সুরাণাং সিদ্ধবিদ্যাধরাণাং মুনিদনুজবরাণাং ব্যাধিভিঃ পীডিতানাম্ .
নৃপতিগৃহগতানাং দস্যুভিস্ত্রাসিতানাং ৎবমসি শরণমেকা দেবি দুর্গে প্রসীদ .. ৯..

.. ইতি সিদ্ধেশ্বরতন্ত্রে হরগৌরীসংবাদে আপদুদ্ধারাষ্টকস্তোত্রং সম্পূর্ণম্ ..