Devi Kavacha
দেবী কবচ
Devi Kavacha
দেবী কবচ
|| দেবী কবচ ||
|| অথ দেব্যাঃ কবচম্ ||
ওঁ অস্য শ্রী চণ্ডীকবচস্য ||
ব্রহ্মা ঋষিঃ | অনুষ্টুপ্ ছন্দঃ | চামুণ্ডাদেবতা |
অঙ্গন্যাসোক্তমাতরো বীজম্ | দিগ্বন্ধদেবতাস্তত্ত্বম্ |
শ্রীজগদম্বাপ্রীত্যর্থে সপ্তশতী পাঠাঙ্গৎবেন জপে বিনিয়োগঃ ||
|| ওঁ নমশ্চণ্ডিকায়ৈ ||
মার্কণ্ডেয় উবাচ |
ওঁ যদ্গুহ্যং পরমং লোকে সর্বরক্ষাকরং নৃণাম্ |
যন্ন কস্যচিদাখ্যাতং তন্মে ব্রূহি পিতামহ || ১||
ব্রহ্মোবাচ |
অস্তি গুহ্যতমং বিপ্র সর্বভূতোপকারকম্ |
দেব্যাস্তু কবচং পুণ্যং তচ্ছৃণুষ্ব মহামুনে || ২||
প্রথমং শৈলপুত্রী চ দ্বিতীয়ং ব্রহ্মচারিণী |
তৃতীয়ং চন্দ্রঘণ্টেতি কূষ্মাণ্ডেতি চতুর্থকম্ || ৩||
পঞ্চমং স্কন্দমাতেতি ষষ্ঠং কাত্যায়নীতি চ |
সপ্তমং কালরাত্রীতি মহাগৌরীতি চাষ্টমম্ || ৪||
নবমং সিদ্ধিদাত্রী চ নবদুর্গাঃ প্রকীর্তিতাঃ |
উক্তান্যেতানি নামানি ব্রহ্মণৈব মহাত্মনা || ৫||
অগ্নিনা দহ্যমানস্তু শত্রুমধ্যে গতো রণে |
বিষমে দুর্গমে চৈব ভয়াত্তার্ঃ শরণং গতাঃ || ৬||
ন তেষাং জায়তে কিংচিদশুভং রণসংকটে |
নাপদং তস্য পশ্যামি শোকদুঃখভয়ং ন হি || ৭||
যৈস্তু ভক্ত্যা স্মৃতা নূনং তেষাং বৃদ্ধিঃ প্রজায়তে |
যে ৎবাং স্মরন্তি দেবেশি রক্ষসে তান্ন সংশয়ঃ || ৮||
প্রেতসংস্থা তু চামুণ্ডা বারাহী মহিষাসনা |
ঐন্দ্রী গজসমারূঢা বৈষ্ণবী গরুডাসনা || ৯||
মাহেশ্বরী বৃষারূঢা কৌমারী শিখিবাহনা |
লক্ষ্মীঃ পদ্মাসনা দেবী পদ্মহস্তা হরি প্রিয়া || ১০||
শ্বেতরূপধরা দেবী ঈশ্বরী বৃষবাহনা |
ব্রাহ্মী হংসসমারূঢা সর্বাভরণভূষিতা || ১১||
ইত্যেতা মাতরঃ সর্বাঃ সর্বয়োগ সমন্বিতাঃ |
নানাভরণশোভাঢ্যা নানারত্নো পশোভিতাঃ || ১২||
দৃশ্যন্তে রথমারূঢা দেব্যঃ ক্রোধসমাকুলাঃ |
শঙ্খং চক্রং গদাং শক্তিং হলং চ মুসলায়ুধম্ || ১৩||
খেটকং তোমরং চৈব পরশুং পাশমেব চ |
কুন্তায়ুধং ত্রিশূলং চ শাঙ্গর্মায়ুধমুত্তমম্ || ১৪||
দৈত্যানাং দেহনাশায় ভক্তানামভয়ায় চ |
ধারয়ন্ত্যায়ুধানীত্থং দেবানাং চ হিতায় বৈ || ১৫||
নমস্তেঽস্তু মহারৌদ্রে মহাঘোরপরাক্রমে |
মহাবলে মহোৎসাহে মহাভয়বিনাশিনি || ১৬||
ত্রাহি মাং দেবি দুষ্প্রেক্ষ্যে শত্রূণাং ভয়বদ্ধির্নি |
প্রাচ্যাং রক্ষতু মামৈন্দ্রী আগ্নেয়্যামগ্নিদেবতা || ১৭||
দক্ষিণেঽবতু বারাহী নৈঋর্ত্যাং খড্গধারিণী |
প্রতীচ্যাং বারুণী রক্ষেদ্ বায়ব্যাং মৃগবাহিনী || ১৮||
উদীচ্যাং পাতু কৌমারী ঐশান্যাং শূলধারিণী |
ঊধ্বর্ং ব্রহ্মাণি মে রক্ষেদধস্তাদ্ বৈষ্ণবী তথা || ১৯||
এবং দশ দিশো রক্ষেচ্চামুণ্ডা শববাহনা |
জয়া মে চাগ্রতঃ পাতু বিজয়া পাতু পৃষ্ঠতঃ || ২০||
অজিতা বাম পাশ্বের্ তু দক্ষিণে চাপরাজিতা |
শিখামুদ্যোতিনী রক্ষেদুমা মূধ্নির্ ব্যবস্থিতা || ২১||
মালাধরী ললাটে চ ভ্রুবৌ রক্ষেদ্ যশস্বিনী |
ত্রিনেত্রা চ ভ্রুবোর্মধ্যে যমঘণ্টা চ নাসিকে || ২২||
শঙ্খিনী চক্ষুষোর্মধ্যে শ্রোত্রয়োদ্বার্রবাসিনী |
কপোলৌ কালিকা রক্ষেৎকর্ণমূলে তু শাঙ্করী || ২৩||
নাসিকায়াং সুগন্ধা চ উত্তরোষ্ঠে চ চর্চিকা |
অধরে চামৃতকলা জিহ্বায়াং চ সরস্বতী || ২৪||
দন্তান্ রক্ষতু কৌমরী কণ্ঠদেশে তু চণ্ডিকা |
ঘণ্টিকাং চিত্রঘণ্টা চ মহামায়া চ তালুকে || ২৫||
কামাক্ষী চিবুকং রক্ষেদ্ বাচং মে সর্বমঙ্গলা |
গ্রীবায়াং ভদ্রকালী চ পৃষ্ঠবংশে ধনুর্ধরী || ২৬||
নীলগ্রীবা বহিঃকণ্ঠে নলিকাং নলকূবরী |
স্কন্ধয়োঃ খঙ্গিনী রক্ষেদ্ বাহূ মে বজ্রধারিণী || ২৭||
হস্তয়োর্দণ্ডিনী রক্ষেদম্বিকা চাঙ্গুলীষু চ |
নখাঞ্ছূলেশ্বরী রক্ষেৎকুক্ষৌরক্ষেৎকুলেশ্বরী || ২৮||
স্তনৌরক্ষেন্মহাদেবী মনঃশোকবিনাশিনী |
হৃদয়ে ললিতা দেবী উদরে শূলধারিণী || ২৯||
নাভৌ চ কামিনী রক্ষেদ্ গুহ্যং গুহ্যেশ্বরী তথা |
পূতনা কামিকা মেঢ্রং গুদে মহিষবাহিনী || ৩০||
কট্যাং ভগবতী রক্ষেজ্জানুনী বিন্ধ্যবাসিনী |
জঙ্ঘে মহাবলা রক্ষেৎসর্বকামপ্রদায়িনী || ৩১||
গুল্ফয়োর্নারসিংহী চ পাদপৃষ্ঠে তু তৈজসী |
পাদাঙ্গুলীষু শ্রী রক্ষেৎপাদাধস্তলবাসিনী || ৩২||
নখান্ দংষ্ট্রাকরালী চ কেশাংশ্চৈবোধ্বর্কেশিনী |
রোমকূপেষু কৌবেরী ৎবচং বাগীশ্বরী তথা || ৩৩||
রক্তমজ্জাবসামাংসান্যস্থিমেদাংসি পার্বতী |
অন্ত্রাণি কালরাত্রিশ্চ পিত্তং চ মুকুটেশ্বরী || ৩৪||
পদ্মাবতী পদ্মকোশে কফে চূডামণিস্তথা |
জ্বালামুখী নখজ্বালামভেদ্যা সর্বসন্ধিষু || ৩৫||
শুক্রং ব্রহ্মাণি মে রক্ষেচ্ছায়াং ছত্রেশ্বরী তথা |
অহংকারং মনো বুদ্ধিং রক্ষেন্মে ধর্মধারিণী || ৩৬||
প্রাণাপানৌ তথা ব্যানমুদানং চ সমানকম্ |
বজ্রহস্তা চ মে রক্ষেৎপ্রাণং কল্যাণশোভনা || ৩৭||
রসে রূপে চ গন্ধে চ শব্দে স্পর্শে চ যোগিনী |
সত্ত্বং রজস্তমশ্চৈব রক্ষেন্নারায়ণী সদা || ৩৮||
আয়ূ রক্ষতু বারাহী ধর্মং রক্ষতু বৈষ্ণবী |
যশঃ কীর্তিং চ লক্ষ্মীং চ ধনং বিদ্যাং চ চক্রিণী || ৩৯||
গোত্রমিন্দ্রাণি মে রক্ষেৎপশূন্মে রক্ষ চণ্ডিকে |
পুত্রান্ রক্ষেন্মহালক্ষ্মীর্ভার্যাং রক্ষতু ভৈরবী || ৪০||
পন্থানং সুপথা রক্ষেন্মার্গং ক্ষেমকরী তথা |
রাজদ্বারে মহালক্ষ্মীর্বিজয়া সর্বতঃ স্থিতা || ৪১||
রক্ষাহীনং তু যৎস্থানং বর্জিতং কবচেন তু |
তৎসর্বং রক্ষ মে দেবি জয়ন্তী পাপনাশিনী || ৪২||
পদমেকং ন গচ্ছেত্তু যদীচ্ছেচ্ছুভমাত্মনঃ |
কবচেনা বৃতো নিত্যং যত্র যত্রৈব গচ্ছতি || ৪৩||
তত্র তত্রার্থলাভশ্চ বিজয়ঃ সার্বকামিকঃ |
যং যং চিন্তয়তে কামং তং তং প্রাপ্নোতি নিশ্চিতম্ |
পরমৈশ্বর্যমতুলং প্রাপ্স্যতে ভূতলে পুমান্ || ৪৪||
নির্ভয়ো জায়তে মত্যর্ঃ সংগ্রামেষ্বপরাজিতঃ |
ত্রৈলোক্যে তু ভবেৎপূজ্যঃ কবচেনাবৃতঃ পুমান্ || ৪৫||
ইদং তু দেব্যাঃ কবচং দেবানামপি দুর্লভম্ |
যঃ পঠেৎপ্রয়তো নিত্যং ত্রিসন্ধ্যং শ্রদ্ধয়ান্বিতঃ || ৪৬||
দৈবী কলা ভবেত্তস্য ত্রৈলোক্যেষ্বপরাজিতঃ |
জীবেদ্ বর্ষশতং সাগ্রমপমৃত্যুবিবর্জিতঃ || ৪৭||
নশ্যন্তি ব্যাধয়ঃ সর্বে লূতাবিস্ফোটকাদয়ঃ |
স্থাবরং জঙ্গমং চৈব কৃত্রিমং চাপি যদ্বিষম্ || ৪৮||
অভিচারাণি সর্বাণি মন্ত্রয়ন্ত্রাণি ভূতলে |
ভূচরাঃ খেচরাশ্চৈবজলজাশ্চোপদেশিকাঃ || ৪৯||
সহজা কুলজা মালা ডাকিনী শাকিনী তথা |
অন্তরিক্ষচরা ঘোরা ডাকিন্যশ্চ মহাবলাঃ || ৫০||
গ্রহভূতপিশাচাশ্চ যক্ষগন্ধর্বরাক্ষসাঃ |
ব্রহ্মরাক্ষসবেতালাঃ কুষ্মাণ্ডা ভৈরবাদয়ঃ || ৫১||
নশ্যন্তি দর্শনাত্তস্য কবচে হৃদি সংস্থিতে |
মানোন্নতির্ভবেদ্ রাজ্ঞস্তেজোবৃদ্ধিকরং পরম্ || ৫২||
যশসা বদ্ধর্তে সোঽপি কীর্তি মণ্ডিতভূতলে |
জপেৎসপ্তশতীং চণ্ডীং কৃৎবা তু কবচং পুরা || ৫৩||
যাবদ্ভূমণ্ডলং ধত্তে সশৈলবনকাননম্ |
তাবত্তিষ্ঠতি মেদিন্যাং সন্ততিঃ পুত্র পৌত্রিকী || ৫৪||
দেহান্তে পরমং স্থানং যৎসুরৈরপি দুর্লভম্ |
প্রাপ্নোতি পুরুষো নিত্যং মহামায়া প্রসাদতঃ || ৫৫||
লভতে পরমং রূপং শিবেন সহ মোদতে || ওঁ || ৫৬||