Devi Aparadha Kshamapana Stotram
দেবী অপরাধ ক্ষমাপণ স্তোত্র
Devi Aparadha Kshamapana Stotram
দেবী অপরাধ ক্ষমাপণ স্তোত্র
|| দেবি অপরাধ ক্ষমাপন স্তোত্র ||
|| অথ দেব্যপরাধক্ষমাপনস্তোত্রম্ ||
ন মন্ত্রং নো যন্ত্রং তদপি চ ন জানে স্তুতিমহো
ন চাহ্বানং ধ্যানং তদপি চ ন জানে স্তুতিকথাঃ |
ন জানে মুদ্রাস্তে তদপি চ ন জানে বিলপনং
পরং জানে মাতস্ত্বদনুসরণং ক্লেশহরণম্ || ১||
বিধেরজ্ঞানেন দ্রবিণবিরহেণালসতয়া
বিধেয়াশক্যৎবাত্তব চরণয়োর্যা চ্যুতিরভূৎ |
তদেতৎ ক্ষন্তব্যং জননি সকলোদ্ধারিণি শিবে
কুপুত্রো জায়েত ক্বচিদপি কুমাতা ন ভবতি || ২||
পৃথিব্যাং পুত্রাস্তে জননি বহবঃ সন্তি সরলাঃ
পরং তেষাং মধ্যে বিরলতরলোঽহং তব সুতঃ |
মদীয়োঽযং ত্যাগঃ সমুচিতমিদং নো তব শিবে
কুপুত্রো জায়েত ক্বচিদপি কুমাতা ন ভবতি || ৩||
জগন্মাতর্মাতস্তব চরণসেবা ন রচিতা
ন বা দত্তং দেবি দ্রবিণমপি ভূয়স্তব ময়া |
তথাপি ৎবং স্নেহং ময়ি নিরুপমং যৎপ্রকুরুষে
কুপুত্রো জায়েত ক্বচিদপি কুমাতা ন ভবতি || ৪||
পরিত্যক্তা দেবা বিবিধবিধসেবাকুলতয়া
ময়া পঞ্চা শীতেরধিকমপনীতে তু বয়সি |
ইদানীং চেন্মাতস্তব যদি কৃপা নাপি ভবিতা
নিরালম্বো লম্বোদরজননি কং যামি শরণম্ || ৫||
শ্বপাকো জল্পাকো ভবতি মধুপাকোপমগিরা
নিরাতঙ্কো রঙ্কো বিহরতি চিরং কোটিকনকৈঃ |
তবাপর্ণে কর্ণে বিশতি মনু বর্ণে ফলমিদং
জনঃ কো জানীতে জননি জননীয়ং জপবিধৌ || ৬||
চিতাভস্মালেপো গরলমশনং দিক্পটধরো
জটাধারী কণ্ঠে ভুজগপতিহারী পশুপতিঃ |
কপালী ভূতেশো ভজতি জগদীশৈকপদবীং
ভবানি ৎবৎপাণিগ্রহণপরিপাটীফলমিদম্ || ৭||
ন মোক্ষস্যাকাংক্ষা ভববিভববাঞ্ছাপি চ ন মে
ন বিজ্ঞানাপেক্ষা শশিমুখি সুখেচ্ছাপি ন পুনঃ |
অতস্ত্বাং সংযাচে জননি জননং যাতু মম বৈ
মৃডানী রুদ্রাণী শিব শিব ভবানীতি জপতঃ || ৮||
নারাধিতাসি বিধিনা বিবিধোপচারৈঃ
কিং রুক্ষচিন্তনপরৈর্ন কৃতং বচোভিঃ |
শ্যামে ৎবমেব যদি কিঞ্চন ময়্যনাথে
ধৎসে কৃপামুচিতমম্ব পরং তবৈব || ৯||
আপৎসু মগ্নঃ স্মরণং ৎবদীয়ং
করোমি দুর্গে করুণার্ণবেশি |
নৈতচ্ছঠৎবং মম ভাবয়েথাঃ
ক্ষুধাতৃষার্তা জননীং স্মরন্তি || ১০||
জগদম্ব বিচিত্র মত্র কিং
পরিপূর্ণা করুণাস্তি চেন্ময়ি |
অপরাধপরম্পরাপরং
ন হি মাতা সমুপেক্ষতে সুতম্ || ১১||
মৎসমঃ পাতকী নাস্তি পাপঘ্নী ৎবৎসমা ন হি |
এবং জ্ঞাৎবা মহাদেবি যথায়োগ্যং তথা কুরু || ১২|| ওঁ ||