ভজ গোবিন্দং Lyrics
মোহ মুদ্গরম্ Lyrics
Bhaja Govindam Lyrics
Adi Shankaracharya
Bhaja Govindam (With Lyrics)
Swami Sarvagananda Maharaj
Written By Adi Shankaracharya
ভজ গোবিন্দং Lyrics
ভজ গোবিন্দং ভজ গোবিন্দং
গোবিন্দং ভজ মূঢমতে ।
সংপ্রাপ্তে সন্নিহিতে কালে
নহি নহি রক্ষতি ডুকৃংকরণে ॥ 1 ॥
ভজ গোবিন্দং ভজ গোবিন্দং …
মূঢ জহীহি ধনাগমতৃষ্ণাং
কুরু সদ্বুদ্ধিং মনসি বিতৃষ্ণাম্ ।
যল্লভসে নিজকর্মোপাত্তং
বিত্তং তেন বিনোদয চিত্তম্ ॥ 2 ॥
ভজ গোবিন্দং ভজ গোবিন্দং …
নারীস্তনভর-নাভীদেশং
দৃষ্ট্বা মা গা মোহাবেশম্ ।
এতন্মাংসবসাদিবিকারং
মনসি বিচিংতয বারং বারম্ ॥ 3 ॥
ভজ গোবিন্দং ভজ গোবিন্দং …
নলিনীদল-গতজলমতিতরলং
তদ্বজ্জীবিতমতিশয-চপলম্ ।
বিদ্ধি ব্যাধ্যভিমানগ্রস্তং
লোকং শোকহতং চ সমস্তম্ ॥ 4 ॥
ভজ গোবিন্দং ভজ গোবিন্দং …
যাবদ্বিত্তোপার্জনসক্তঃ
তাবন্নিজপরিবারো রক্তঃ ।
পশ্চাজ্জীবতি জর্জরদেহে
বার্তাং কোঽপি ন পৃচ্ছতি গেহে ॥ 5 ॥
ভজ গোবিন্দং ভজ গোবিন্দং …
যাবত্পবনো নিবসতি দেহে
তাবত্পৃচ্ছতি কুশলং গেহে ।
গতবতি বাযৌ দেহাপাযে
ভার্যা বিভ্যতি তস্মিন্কাযে ॥ 6 ॥
ভজ গোবিন্দং ভজ গোবিন্দং …
বালস্তাবত্ক্রীডাসক্তঃ
তরুণস্তাবত্তরুণীসক্তঃ ।
বৃদ্ধস্তাবচ্চিংতাসক্তঃ
পরমে ব্রহ্মণি কোঽপি ন সক্তঃ ॥ 7 ॥
ভজ গোবিন্দং ভজ গোবিন্দং …
কা তে কাংতা কস্তে পুত্রঃ
সংসারোঽযমতীব বিচিত্রঃ ।
কস্য ত্বং কঃ কুত আযাতঃ
তত্ত্বং চিংতয তদিহ ভ্রাতঃ ॥ 8 ॥
ভজ গোবিন্দং ভজ গোবিন্দং …
সত্সংগত্বে নিস্সংগত্বং
নিস্সংগত্বে নির্মোহত্বম্ ।
নির্মোহত্বে নিশ্চলতত্ত্বং
নিশ্চলতত্ত্বে জীবন্মুক্তিঃ ॥ 9 ॥
ভজ গোবিন্দং ভজ গোবিন্দং …
বযসি গতে কঃ কামবিকারঃ
শুষ্কে নীরে কঃ কাসারঃ ।
ক্ষীণে বিত্তে কঃ পরিবারঃ
জ্ঞাতে তত্ত্বে কঃ সংসারঃ ॥ 10 ॥
ভজ গোবিন্দং ভজ গোবিন্দং …
মা কুরু ধন-জন-যৌবন-গর্বং
হরতি নিমেষাত্কালঃ সর্বম্ ।
মাযামযমিদমখিলং হিত্বা
ব্রহ্মপদং ত্বং প্রবিশ বিদিত্বা ॥ 11 ॥
ভজ গোবিন্দং ভজ গোবিন্দং …
দিনযামিন্যৌ সাযং প্রাতঃ
শিশিরবসংতৌ পুনরাযাতঃ ।
কালঃ ক্রীডতি গচ্ছত্যাযুঃ
তদপি ন মুংচত্যাশাবাযুঃ ॥ 12 ॥
ভজ গোবিন্দং ভজ গোবিন্দং …
কা তে কাংতা ধনগতচিংতা
বাতুল কিং তব নাস্তি নিযংতা ।
ত্রিজগতি সজ্জনসংগতিরেকা
ভবতি ভবার্ণবতরণে নৌকা ॥ 13 ॥
ভজ গোবিন্দং ভজ গোবিন্দং …
দ্বাদশ-মংজরিকাভিরশেষঃ
কথিতো বৈযাকরণস্যৈষঃ ।
উপদেশোঽভূদ্বিদ্যা-নিপুণৈঃ
শ্রীমচ্ছংকর-ভগবচ্ছরণৈঃ ॥ 14 ॥
ভজ গোবিন্দং ভজ গোবিন্দং …
জটিলো মুংডী লুংছিতকেশঃ
কাষাযাংবর-বহুকৃতবেষঃ ।
পশ্যন্নপি চ ন পশ্যতি মূঢঃ
উদরনিমিত্তং বহুকৃতবেষঃ ॥ 15 ॥
ভজ গোবিন্দং ভজ গোবিন্দং …
অংগং গলিতং পলিতং মুংডং
দশনবিহীনং জাতং তুংডম্ ।
বৃদ্ধো যাতি গৃহীত্বা দংডং
তদপি ন মুংচত্যাশাপিংডম্ ॥ 16 ॥
ভজ গোবিন্দং ভজ গোবিন্দং …
অগ্রে বহ্নিঃ পৃষ্ঠে ভানুঃ
রাত্রৌ চুবুক-সমর্পিত-জানুঃ ।
করতল-ভিক্ষস্তরুতলবাসঃ
তদপি ন মুংচত্যাশাপাশঃ ॥ 17 ॥
ভজ গোবিন্দং ভজ গোবিন্দং …
কুরুতে গংগাসাগরগমনং
ব্রত-পরিপালনমথবা দানম্ ।
জ্ঞানবিহীনঃ সর্বমতেন
ভজতি ন মুক্তিং জন্মশতেন ॥ 18 ॥
ভজ গোবিন্দং ভজ গোবিন্দং …
সুরমংদির-তরু-মূল-নিবাসঃ
শয্যা ভূতলমজিনং বাসঃ ।
সর্ব-পরিগ্রহ-ভোগত্যাগঃ
কস্য সুখং ন করোতি বিরাগঃ ॥ 19 ॥
ভজ গোবিন্দং ভজ গোবিন্দং …
যোগরতো বা ভোগরতো বা
সংগরতো বা সংগবিহীনঃ ।
যস্য ব্রহ্মণি রমতে চিত্তং
নংদতি নংদতি নংদত্যেব ॥ 20 ॥
ভজ গোবিন্দং ভজ গোবিন্দং …
ভগবদ্গীতা কিংচিদধীতা
গংগাজল-লবকণিকা পীতা ।
সকৃদপি যেন মুরারিসমর্চা
ক্রিযতে তস্য যমেন ন চর্চা ॥ 21 ॥
ভজ গোবিন্দং ভজ গোবিন্দং …
পুনরপি জননং পুনরপি মরণং
পুনরপি জননীজঠরে শযনম্ ।
ইহ সংসারে বহুদুস্তারে
কৃপযাঽপারে পাহি মুরারে ॥ 22 ॥
ভজ গোবিন্দং ভজ গোবিন্দং …
রথ্যাচর্পট-বিরচিত-কংথঃ
পুণ্যাপুণ্য-বিবর্জিত-পংথঃ ।
যোগী যোগনিযোজিত-চিত্তঃ
রমতে বালোন্মত্তবদেব ॥ 23 ॥
ভজ গোবিন্দং ভজ গোবিন্দং …
কস্ত্বং কোঽহং কুত আযাতঃ
কা মে জননী কো মে তাতঃ ।
ইতি পরিভাবয সর্বমসারং
বিশ্বং ত্যক্ত্বা স্বপ্নবিচারম্ ॥ 24 ॥
ভজ গোবিন্দং ভজ গোবিন্দং …
ত্বযি মযি চান্যত্রৈকো বিষ্ণুঃ
ব্যর্থং কুপ্যসি ময্যসহিষ্ণুঃ ।
ভব সমচিত্তঃ সর্বত্র ত্বং
বাংছস্যচিরাদ্যদি বিষ্ণুত্বম্ ॥ 25 ॥
ভজ গোবিন্দং ভজ গোবিন্দং …
শত্রৌ মিত্রে পুত্রে বংধৌ
মা কুরু যত্নং বিগ্রহসংধৌ ।
সর্বস্মিন্নপি পশ্যাত্মানং
সর্বত্রোত্সৃজ ভেদাজ্ঞানম্ ॥ 26 ॥
ভজ গোবিন্দং ভজ গোবিন্দং …
কামং ক্রোধং লোভং মোহং
ত্যক্ত্বাঽঽত্মানং পশ্যতি সোঽহম্ ।
আত্মজ্ঞানবিহীনা মূঢাঃ
তে পচ্যংতে নরকনিগূঢাঃ ॥ 27 ॥
ভজ গোবিন্দং ভজ গোবিন্দং …
গেযং গীতা-নামসহস্রং
ধ্যেযং শ্রীপতি-রূপমজস্রম্ ।
নেযং সজ্জন-সংগে চিত্তং
দেযং দীনজনায চ বিত্তম্ ॥ 28 ॥
ভজ গোবিন্দং ভজ গোবিন্দং …
সুখতঃ ক্রিযতে কামাভোগঃ
পশ্চাদংত শরীরে রোগঃ ।
যদ্যপি লোকে মরণং শরণং
তদপি ন মুংচতি পাপাচরণম্ ॥ 29 ॥
ভজ গোবিন্দং ভজ গোবিন্দং …
অর্থমনর্থং ভাবয নিত্যং
নাস্তিততঃ সুখলেশঃ সত্যম্ ।
পুত্রাদপি ধনভাজাং ভীতিঃ
সর্বত্রৈষা বিহিতা রীতিঃ ॥ 30 ॥
ভজ গোবিন্দং ভজ গোবিন্দং …
প্রাণাযামং প্রত্যাহারং
নিত্যানিত্য বিবেকবিচারম্ ।
জাপ্যসমেতসমাধিবিধানং
কুর্ববধানং মহদবধানম্ ॥ 31 ॥
ভজ গোবিন্দং ভজ গোবিন্দং …
গুরুচরণাংবুজ-নির্ভরভক্তঃ
সংসারাদচিরাদ্ভব মুক্তঃ ।
সেংদ্রিযমানস-নিযমাদেবং
দ্রক্ষ্যসি নিজহৃদযস্থং দেবম্ ॥ 32 ॥
ভজ গোবিন্দং ভজ গোবিন্দং …
মূঢঃ কশ্চন বৈযাকরণো
ডুঃকৃংকরণাধ্যযনধুরীণঃ ।
শ্রীমচ্ছংকর-ভগবচ্ছিষ্যৈঃ
বোধিত আসীচ্ছোধিত-করণঃ ॥ 33 ॥
ভজ গোবিন্দং ভজ গোবিন্দং …
ভজ গোবিন্দং ভজ গোবিন্দং
গোবিন্দং ভজ মূঢমতে ।
নামস্মরণাদন্যমুপাযং
নহি পশ্যামো ভবতরণে ॥ 34 ॥
ভজ গোবিন্দং ভজ গোবিন্দং …
Bhaja Govindam Lyrics
bhaja gōvindaṃ bhaja gōvindaṃ
gōvindaṃ bhaja mūḍhamatē ।
samprāptē sannihitē kālē
nahi nahi rakṣati ḍukṛṅkaraṇē ॥ 1 ॥
bhaja gōvindaṃ bhaja gōvindaṃ …
mūḍha jahīhi dhanāgamatṛṣṇāṃ
kuru sadbuddhiṃ manasi vitṛṣṇām ।
yallabhasē nijakarmōpāttaṃ
vittaṃ tēna vinōdaya chittam ॥ 2 ॥
bhaja gōvindaṃ bhaja gōvindaṃ …
nārīstanabhara-nābhīdēśaṃ
dṛṣṭvā mā gā mōhāvēśam ।
ētanmāṃsavasādivikāraṃ
manasi vichintaya vāraṃ vāram ॥ 3 ॥
bhaja gōvindaṃ bhaja gōvindaṃ …
nalinīdala-gatajalamatitaralaṃ
tadvajjīvitamatiśaya-chapalam ।
viddhi vyādhyabhimānagrastaṃ
lōkaṃ śōkahataṃ cha samastam ॥ 4 ॥
bhaja gōvindaṃ bhaja gōvindaṃ …
yāvadvittōpārjanasaktaḥ
tāvannijaparivārō raktaḥ ।
paśchājjīvati jarjaradēhē
vārtāṃ kō’pi na pṛchChati gēhē ॥ 5 ॥
bhaja gōvindaṃ bhaja gōvindaṃ …
yāvatpavanō nivasati dēhē
tāvatpṛchChati kuśalaṃ gēhē ।
gatavati vāyau dēhāpāyē
bhāryā bibhyati tasminkāyē ॥ 6 ॥
bhaja gōvindaṃ bhaja gōvindaṃ …
bālastāvatkrīḍāsaktaḥ
taruṇastāvattaruṇīsaktaḥ ।
vṛddhastāvachchintāsaktaḥ
paramē brahmaṇi kō’pi na saktaḥ ॥ 7 ॥
bhaja gōvindaṃ bhaja gōvindaṃ …
kā tē kāntā kastē putraḥ
saṃsārō’yamatīva vichitraḥ ।
kasya tvaṃ kaḥ kuta āyātaḥ
tattvaṃ chintaya tadiha bhrātaḥ ॥ 8 ॥
bhaja gōvindaṃ bhaja gōvindaṃ …
satsaṅgatvē nissaṅgatvaṃ
nissaṅgatvē nirmōhatvam ।
nirmōhatvē niśchalatattvaṃ
niśchalatattvē jīvanmuktiḥ ॥ 9 ॥
bhaja gōvindaṃ bhaja gōvindaṃ …
vayasi gatē kaḥ kāmavikāraḥ
śuṣkē nīrē kaḥ kāsāraḥ ।
kṣīṇē vittē kaḥ parivāraḥ
jñātē tattvē kaḥ saṃsāraḥ ॥ 10 ॥
bhaja gōvindaṃ bhaja gōvindaṃ …
mā kuru dhana-jana-yauvana-garvaṃ
harati nimēṣātkālaḥ sarvam ।
māyāmayamidamakhilaṃ hitvā
brahmapadaṃ tvaṃ praviśa viditvā ॥ 11 ॥
bhaja gōvindaṃ bhaja gōvindaṃ …
dinayāminyau sāyaṃ prātaḥ
śiśiravasantau punarāyātaḥ ।
kālaḥ krīḍati gachChatyāyuḥ
tadapi na muñchatyāśāvāyuḥ ॥ 12 ॥
bhaja gōvindaṃ bhaja gōvindaṃ …
kā tē kāntā dhanagatachintā
vātula kiṃ tava nāsti niyantā ।
trijagati sajjanasaṅgatirēkā
bhavati bhavārṇavataraṇē naukā ॥ 13 ॥
bhaja gōvindaṃ bhaja gōvindaṃ …
dvādaśa-mañjarikābhiraśēṣaḥ
kathitō vaiyākaraṇasyaiṣaḥ ।
upadēśō’bhūdvidyā-nipuṇaiḥ
śrīmachChaṅkara-bhagavachCharaṇaiḥ ॥ 14 ॥
bhaja gōvindaṃ bhaja gōvindaṃ …
jaṭilō muṇḍī luñChitakēśaḥ
kāṣāyāmbara-bahukṛtavēṣaḥ ।
paśyannapi cha na paśyati mūḍhaḥ
udaranimittaṃ bahukṛtavēṣaḥ ॥ 15 ॥
bhaja gōvindaṃ bhaja gōvindaṃ …
aṅgaṃ galitaṃ palitaṃ muṇḍaṃ
daśanavihīnaṃ jātaṃ tuṇḍam ।
vṛddhō yāti gṛhītvā daṇḍaṃ
tadapi na muñchatyāśāpiṇḍam ॥ 16 ॥
bhaja gōvindaṃ bhaja gōvindaṃ …
agrē vahniḥ pṛṣṭhē bhānuḥ
rātrau chubuka-samarpita-jānuḥ ।
karatala-bhikṣastarutalavāsaḥ
tadapi na muñchatyāśāpāśaḥ ॥ 17 ॥
bhaja gōvindaṃ bhaja gōvindaṃ …
kurutē gaṅgāsāgaragamanaṃ
vrata-paripālanamathavā dānam ।
jñānavihīnaḥ sarvamatēna
bhajati na muktiṃ janmaśatēna ॥ 18 ॥
bhaja gōvindaṃ bhaja gōvindaṃ …
suramandira-taru-mūla-nivāsaḥ
śayyā bhūtalamajinaṃ vāsaḥ ।
sarva-parigraha-bhōgatyāgaḥ
kasya sukhaṃ na karōti virāgaḥ ॥ 19 ॥
bhaja gōvindaṃ bhaja gōvindaṃ …
yōgaratō vā bhōgaratō vā
saṅgaratō vā saṅgavihīnaḥ ।
yasya brahmaṇi ramatē chittaṃ
nandati nandati nandatyēva ॥ 20 ॥
bhaja gōvindaṃ bhaja gōvindaṃ …
bhagavadgītā kiñchidadhītā
gaṅgājala-lavakaṇikā pītā ।
sakṛdapi yēna murārisamarchā
kriyatē tasya yamēna na charchā ॥ 21 ॥
bhaja gōvindaṃ bhaja gōvindaṃ …
punarapi jananaṃ punarapi maraṇaṃ
punarapi jananījaṭharē śayanam ।
iha saṃsārē bahudustārē
kṛpayā’pārē pāhi murārē ॥ 22 ॥
bhaja gōvindaṃ bhaja gōvindaṃ …
rathyācharpaṭa-virachita-kanthaḥ
puṇyāpuṇya-vivarjita-panthaḥ ।
yōgī yōganiyōjita-chittaḥ
ramatē bālōnmattavadēva ॥ 23 ॥
bhaja gōvindaṃ bhaja gōvindaṃ …
kastvaṃ kō’haṃ kuta āyātaḥ
kā mē jananī kō mē tātaḥ ।
iti paribhāvaya sarvamasāraṃ
viśvaṃ tyaktvā svapnavichāram ॥ 24 ॥
bhaja gōvindaṃ bhaja gōvindaṃ …
tvayi mayi chānyatraikō viṣṇuḥ
vyarthaṃ kupyasi mayyasahiṣṇuḥ ।
bhava samachittaḥ sarvatra tvaṃ
vāñChasyachirādyadi viṣṇutvam ॥ 25 ॥
bhaja gōvindaṃ bhaja gōvindaṃ …
śatrau mitrē putrē bandhau
mā kuru yatnaṃ vigrahasandhau ।
sarvasminnapi paśyātmānaṃ
sarvatrōtsṛja bhēdājñānam ॥ 26 ॥
bhaja gōvindaṃ bhaja gōvindaṃ …
kāmaṃ krōdhaṃ lōbhaṃ mōhaṃ
tyaktvā”tmānaṃ paśyati sō’ham ।
ātmajñānavihīnā mūḍhāḥ
tē pachyantē narakanigūḍhāḥ ॥ 27 ॥
bhaja gōvindaṃ bhaja gōvindaṃ …
gēyaṃ gītā-nāmasahasraṃ
dhyēyaṃ śrīpati-rūpamajasram ।
nēyaṃ sajjana-saṅgē chittaṃ
dēyaṃ dīnajanāya cha vittam ॥ 28 ॥
bhaja gōvindaṃ bhaja gōvindaṃ …
sukhataḥ kriyatē kāmābhōgaḥ
paśchādanta śarīrē rōgaḥ ।
yadyapi lōkē maraṇaṃ śaraṇaṃ
tadapi na muñchati pāpācharaṇam ॥ 29 ॥
bhaja gōvindaṃ bhaja gōvindaṃ …
arthamanarthaṃ bhāvaya nityaṃ
nāstitataḥ sukhalēśaḥ satyam ।
putrādapi dhanabhājāṃ bhītiḥ
sarvatraiṣā vihitā rītiḥ ॥ 30 ॥
bhaja gōvindaṃ bhaja gōvindaṃ …
prāṇāyāmaṃ pratyāhāraṃ
nityānitya vivēkavichāram ।
jāpyasamētasamādhividhānaṃ
kurvavadhānaṃ mahadavadhānam ॥ 31 ॥
bhaja gōvindaṃ bhaja gōvindaṃ …
gurucharaṇāmbuja-nirbharabhaktaḥ
saṃsārādachirādbhava muktaḥ ।
sēndriyamānasa-niyamādēvaṃ
drakṣyasi nijahṛdayasthaṃ dēvam ॥ 32 ॥
bhaja gōvindaṃ bhaja gōvindaṃ …
mūḍhaḥ kaśchana vaiyākaraṇō
ḍuḥkṛṅkaraṇādhyayanadhurīṇaḥ ।
śrīmachChaṅkara-bhagavachChiṣyaiḥ
bōdhita āsīchChōdhita-karaṇaḥ ॥ 33 ॥
bhaja gōvindaṃ bhaja gōvindaṃ …
bhaja gōvindaṃ bhaja gōvindaṃ
gōvindaṃ bhaja mūḍhamatē ।
nāmasmaraṇādanyamupāyaṃ
nahi paśyāmō bhavataraṇē ॥ 34 ॥
bhaja gōvindaṃ bhaja gōvindaṃ …
