Keelak Stotram
কীলকস্তোত্রম্
Keelak Stotram
কীলকস্তোত্রম্
|| অথ কীলকস্তোত্রম্ ||
ওঁ অস্য শ্রীকীলকমন্ত্রস্য শিবঋষিঃ, অনুষ্টুপ্ ছন্দঃ,
শ্রীমহাসরস্বতী দেবতা, শ্রীজগদম্বাপ্রীত্যর্থং
সপ্তশতীপাঠাঙ্গৎবেন জপে বিনিয়োগঃ |
ওঁ নমশ্চণ্ডিকায়ৈ |
মার্কণ্ডেয় উবাচ |
ওঁ বিশুদ্ধজ্ঞানদেহায় ত্রিবেদীদিব্যচক্ষুষে |
শ্রেয়ঃপ্রাপ্তিনিমিত্তায় নমঃ সোমার্ধধারিণে || ১||
সর্বমেতদ্বিজানীয়ান্মন্ত্রাণামপি কীলকম্ |
সোঽপি ক্ষেমমবাপ্নোতি সততং জপ্যতৎপরঃ || ২||
সিদ্ধ্যন্ত্যুচ্চাটনাদীনি কর্মাণি সকলান্যপি |
এতেন স্তুবতাং দেবীং স্তোত্রবৃন্দেন ভক্তিতঃ || ৩||
ন মন্ত্রো নৌষধং তস্য ন কিঞ্চিদপি বিদ্যতে |
বিনা জপ্যেন সিদ্ধ্যেত্তু সর্বমুচ্চাটনাদিকম্ || ৪||
সমগ্রাণ্যপি সেৎস্যন্তি লোকশঙ্কামিমাং হরঃ |
কৃৎবা নিমন্ত্রয়ামাস সর্বমেবমিদং শুভম্ || ৫||
স্তোত্রং বৈ চণ্ডিকায়াস্তু তচ্চ গুহ্যং চকার সঃ |
সমাপ্নোতি স পুণ্যেন তাং যথাবন্নিমন্ত্রণাম্ || ৬||
সোঽপি ক্ষেমমবাপ্নোতি সর্বমেব ন সংশয়ঃ |
কৃষ্ণায়াং বা চতুর্দশ্যামষ্টম্যাং বা সমাহিতঃ || ৭||
দদাতি প্রতিগৃহ্ণাতি নান্যথৈষা প্রসীদতি |
ইত্থং রূপেণ কীলেন মহাদেবেন কীলিতম্ || ৮||
যো নিষ্কীলাং বিধায়ৈনাং চণ্ডীং জপতি নিত্যশঃ |
স সিদ্ধঃ স গণঃ সোঽথ গন্ধর্বো জায়তে ধ্রুবম্ || ৯||
ন চৈবাপাটবং তস্য ভয়ং ক্বাপি ন জায়তে |
নাপমৃত্যুবশং যাতি মৃতে চ মোক্ষমাপ্নুয়াৎ || ১০||
জ্ঞাৎবা প্রারভ্য কুর্বীত হ্যকুর্বাণো বিনশ্যতি |
ততো জ্ঞাৎবৈব সম্পূর্ণমিদং প্রারভ্যতে বুধৈঃ || ১১||
সৌভাগ্যাদি চ যৎকিঞ্চিদ্ দৃশ্যতে ললনাজনে |
তৎসর্বং তৎপ্রসাদেন তেন জপ্যমিদং শুভম্ || ১২||
শনৈস্তু জপ্যমানেঽস্মিন্ স্তোত্রে সম্পত্তিরুচ্চকৈঃ |
ভবত্যেব সমগ্রাপি ততঃ প্রারভ্যমেব তৎ || ১৩||
ঐশ্বর্যং তৎপ্রসাদেন সৌভাগ্যারোগ্যমেব চ |
শত্রুহানিঃ পরো মোক্ষঃ স্তূয়তে সা ন কিং জনৈঃ || ১৪||
চণ্ডিকাং হৃদয়েনাপি যঃ স্মরেৎ সততং নরঃ |
হৃদ্যং কামমবাপ্নোতি হৃদি দেবী সদা বসেৎ || ১৫||
অগ্রতোঽমুং মহাদেবকৃতং কীলকবারণম্ |
নিষ্কীলঞ্চ তথা কৃৎবা পঠিতব্যং সমাহিতৈঃ || ১৬||
|| ইতি শ্রীভগবত্যাঃ কীলকস্তোত্রং সমাপ্তম্ ||